ការអនុម័តកញ្ចប់ថវិកាជំរុញសេដ្ឋកិច្ចនេះ ត្រូវបានបោះឆ្នោតលើសំឡេង ៥០ទល់៤៩ ដោយគ្មានការគាំទ្រពីសមាជិកមកពីគណៈបក្សសាធារណៈរដ្ឋសូម្បីតែម្នាក់។
កញ្ចប់ថវិកា១,៩ ទ្រីលានដុល្លារអាមេរិកនេះគឺជាកញ្ចប់ថវិកាជំរុញសេដ្ឋកិច្ចដ៏ធំបំផុតមិនធ្លាប់មានក្នុងប្រវត្តិសាស្ត្ររបស់អាមេរិក។ មេដឹកនាំសំឡេងភាគច្រើននៃព្រឹទ្ធសភាអាមេរិក គឺលោក Chuck Schumer បានព្យាករថា លោក ចូ បៃឌិន នឹងចុះហត្ថលេខាលើកិច្ចកញ្ចប់ថវិកាជំរុញសេដ្ឋកិច្ចសម្រាប់ដោះស្រាយបញ្ហាកូវីដ-១៩នេះ នៅថ្ងៃទី ១៤ ខែមីនា ឆ្នាំ២០២១នេះ។
លោក ចូ បៃឌិន បាននិយាយថា លោកសង្ឃឹមថា គម្រោងកញ្ចប់ថវិកានេះ នឹងទទួលបានត្រឡប់មកវិញឆាប់ៗក្រោយពេលដែលសភាធ្វើការកែសម្រួលរួច។ លោកអាចនឹងចុះហត្ថលេខាលើគម្រោងនេះ ហើយចាប់ផ្ដើមផ្ដល់ប្រាក់ ១.៤០០ ដុល្លារអាមេរិកដោយផ្ទាល់សម្រាប់ពលរដ្ឋអាមេរិក។
អត្ថបទទាក់ទង!
កញ្ចប់ថវិកាចុងក្រោយ រួមមានបញ្ចូលការចំណាយទូទាត់ទំហំ៤០០ពាន់លានដុល្លារ សម្រាប់ការចំណាយ១.៤០០ ដុល្លារ ដោយផ្ទាល់ទៅកាន់ពលរដ្ឋអាមេរិកជាច្រើននាក់ ហើយការផ្ដល់ជូននេះ នឹងចាប់ផ្ដើមសម្រាប់ពលរដ្ឋអាមេរិកណាដែលមានចំណូលប្រចាំឆ្នាំក្រោម៧៥.០០០ ដុល្លារអាមេរិក។
ជាមួយគ្នានេះ កញ្ចប់ថវិកាជំរុញសេដ្ឋកិច្ចនេះ ក៏រួមបញ្ចូលនូវការផ្ដល់ជូន៣០០ដុល្លារ ក្នុងមួយសប្ដាហ៍សម្រាប់អ្នកដែលត្រូវបានពន្យារពេលមិនបានចូលធ្វើការ ដែលមានប្រហែល ៩,៥លាននាក់ផងដែរ។
ដោយឡែក កញ្ចប់ថវិកាប្រហែល៣៥០ពាន់លានដុល្លារទៀត នឹងប្រើប្រាស់នៅក្នុងជំនួយ ដែលត្រូវបានកំណត់សម្រាប់រដ្ឋាភិបាល និងអាជ្ញាធររដ្ឋក្នុងតំបន់ ដែលត្រូវបានមើលឃើញថាកូវីដ-១៩ បានធ្វើឲ្យមានការប៉ះពាល់ដល់កញ្ចប់ថវិការបស់ពួកគេ៕
None
