គម្រោងលំនៅដ្ឋានតម្លៃសមរម្យ ៣ទីតាំង ប្រកាសបើកការដ្ឋាននៅឆ្នាំនេះ
ក្នុងឆ្នាំ២០១៧នេះ ក្រុមហ៊ុនអភិវឌ្ឍន៍លំនៅដ្ឋានឯកជនចំនួន៣ ហើយបានសហការជាមួយរដ្ឋាភិបាលក្នុងការអភិវឌ្ឍលំនៅដ្ឋានតម្លៃស…
បើកដំណើរទស្សនកិច្ចនៅលើទឹកដីអាស៊ីលើកដំបូង ប្រធានាធិបតីអាមេរិក លោក ដូណាល់ ត្រាំ សម្រេចចិត្តជាន់ទឹកដីប្រទេសជប៉ុនមុនគេ។ ចូលដល់ដីជប៉ុនភ្លាម ថ្លែងនៅក្នុងកិច្ចប្រជុំរវាងអ្នកដឹកនាំពាណិជ្ជកម្មធំៗនៃសហរដ្ឋអាមេរិក និងជប៉ុន លោក ត្រាំ ដែលត្រូវបានគេស្គាល់ថា ជាមេដឹកនាំអាមេរិកមាត់រអិលនោះ បានប្រាប់ឲ្យជប៉ុនបើករោងចក្រផលិតរថយន្ដលក់នៅអាមេរិកឲ្យបានច្រើន ជាជាងការផលិតនៅជប៉ុន រួចហើយដឹកនាំយកទៅលក់នៅអាមេរិក។
លោក ត្រាំ បានលើកឡើងថា រថយន្ដរាប់លានគ្រឿងត្រូវបានជប៉ុនលក់មកឲ្យសហរដ្ឋអាមេរិក ខណៈដែលអាមេរិកមិនដែលមានរថយន្ដយកមកលក់នៅជប៉ុននោះឡើយ។
ប្រធានាធិបតីអាមេរិកថ្មីរូបនេះ បានគូសបញ្ជាក់ថា ក្រុមហ៊ុនរថយន្ដរបស់ជប៉ុន ដែលមានការពេញនិយមខ្លាំងនៅអាមេរិក មានដូចជា Toyota, Honda និង Nissan ដែលក្រុមហ៊ុនទាំងនេះបានផលិតរថយន្ដម៉ូដែលលក់ដាច់បំផុតរបស់ពួកគេ រាប់លានគ្រឿងក្នុងមួយឆ្នាំ ដើម្បីធ្វើការនាំមកលក់នៅក្នុងទីផ្សារអាមេរិក។
ប្រធានាធិបតីសហរដ្ឋអាមេរិក Donald Trump បានចេញដំណើរទៅកាន់តំបន់អាស៊ីលើកដំបូង ដើម្បីបំពេញទស្សនកិច្ចផ្លូវការរយៈពេល១២ថ្ងៃ ដោយគិតចាប់ពីថ្ងៃទី៣ ខែវិច្ឆិកា ដល់ថ្ងៃទី១៤ វិច្ឆិកា នៅក្នុងប្រទេសចំនួនប្រាំ រួមមាន ជប៉ុន កូរ៉េខាងត្បូង ចិន វៀតណាម និងហ្វ៊ីលីពីន៕
