រយៈពេល ៧ខែកន្លងមកនេះ ប្រទេសវៀតណាម បានផ្ដល់សិទ្ធិវិនិយោគគម្រោងថ្មីៗ សរុបប្រមាណ ជាង១.៦០០ គម្រោង ដែលមានតម្លៃជាទឹកប្រាក់ប្រមាណ ជាង ១៣ ពាន់លានដុល្លារអាមេរិក កើនឡើងជាង ២% ធៀបនឹងរយៈពេលដូចគ្នាកាលពីឆ្នាំមុន។ រីឯការចាក់បន្ថែមទុនវិនិយោគ ទៅលើគម្រោងដែលមានស្រាប់ឯណោះវិញ ត្រូវបានធ្វើឡើងជាង ៦០០លើក ដែលមានតម្លៃជាទឹកប្រាក់សរុបជិត ៥ពាន់លានដុល្លារអាមេរិក។
ជាមួយគ្នានេះដែរ បើយើងក្រឡេកទៅមើល អតិរេកពាណិជ្ជកម្មនៅក្នុងវិស័យវិនិយោគពីក្រៅប្រទេស រយៈពេល៧ខែនេះ មានរហូតដល់ ជាង ១៨ពាន់លានដុល្លារអាមេរិក រួមបញ្ចូលលទាំងប្រេងឆៅ ហើយបើមិនរាប់បញ្ចូលប្រេងឆៅ មានជិត ១៧ពាន់លានដុល្លារអាមេរិក។
អត្ថបទទាក់ទង!
តាមរបាយការណ៍ពីទីភ្នាក់ងារវិនិយោគបរទេស របស់វៀតណាមដដែលនេះ
បានបង្ហាញទៀតថា ចំណូលពីការនាំចេញរបស់វិស័យវិនិយោគពីក្រៅប្រទេស ក្នុងប្រទេសវៀតណាម
នៅ៧ខែ ឆ្នាំនេះ រាប់បញ្ជូលទាំងប្រេងឆៅ បានកើនឡើងដល់ជាង ៩៥ពាន់លានដុល្លារអាមេរិក កើនឡើងជាង ១៤% ធៀបនឹងរយៈពេលដូចគ្នាកាលពីឆ្នាំមុន
ឬស្មើនឹងជាង ៧១% នៃចំណូលនាំចេញសរុបរបស់ប្រទេសនេះ។
ក្នុងនោះ វិនិយោគិនជប៉ុនត្រូវបានគេដឹងថា ឈរក្នុងលំដាប់នាំមុខគេ ដែលបានវិនិយោគនៅវៀតណាម បន្ទាប់មកកូរ៉េខាងត្បូង និងអាមេរិកជាដើម។
None
