ទស្សនវិស័យដ៏ភ្លឺស្វាងសម្រាប់ទីផ្សារផលិតផលប្រណិតនៅក្នុងប្រទេសវៀតណាម អាចបណ្តាលមកពីការកើនឡើង នៃប្រាក់ចំណូលរបស់ប្រជាជនវៀតណាមនៅក្នុងប៉ុន្មានឆ្នាំចុងក្រោយនេះ ដោយសារអ្នកប្រើប្រាស់ដែលមានប្រាក់ចំណូលខ្ពស់ គឺជាឆ្អឹងខ្នងដ៏សំខាន់នៃការប្រើប្រាស់ទំនិញផលិតផលប្រណិតៗ ម៉ាកយីហោល្បីៗ។
សូមជម្រាបថា នៅចន្លោះឆ្នាំ ២០០២ ដល់ឆ្នាំ ២០២០ ផលិតផលក្នុងស្រុកសរុបសម្រាប់មនុស្សម្នាក់នៅវៀតណាមបានកើនឡើងជិត៣ដង ដោយក្នុងមួយឆ្នាំចំណូលពលរដ្ឋវៀតណាមម្នាក់ជាមធ្យមមានប្រមាណ ២ពាន់៨រយដុល្លារ។ ធនាគារពិភពលោកក៏ធ្លាប់បានគូសបញ្ជាក់ផងដែរថា ប្រទេសវៀតណាមអាចក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ ២០៣៥ ជាមួយនឹងប្រាក់ចំណូលសម្រាប់ពលរដ្ឋម្នាក់អាចរហូតដល់ ៧ពាន់ដុល្លារក្នុងមួយឆ្នាំ។
អត្ថបទគួរអាន
បច្ចុប្បន្ននេះ ចំនួនប្រជាជនវណ្ណៈកណ្តាលរបស់វៀតណាមក៏កំពុងកើនឡើងយ៉ាងច្រើនផងដែរ ដោយរំពឹងថា នឹងកើនឡើងដល់ ៩៥ លាននាក់នៅឆ្នាំ ២០៣០ ខណៈអ្នកអាចរកប្រាក់ចំណូលខ្ពស់បំផុតក៏កំពុងកើនឡើងផងដែរ។ ជាក់ស្ដែង ចំនួនមនុស្សដែលមានទ្រព្យសម្បត្តិសុទ្ធពី ១ លានដុល្លារ ទៅ ៣០ លានដុល្លារនឹងកើនឡើង ៣២ ភាគរយ ដល់ជិត ២ម៉ឺន៦ពាន់នាក់ នៅឆ្នាំ ២០២៥ ។
ទន្ទឹមនេះ ទីផ្សារផលិតផលប្រណិតនៅវៀតណាម ក៏ទទួលបានអត្ថប្រយោជន៍ពីកិច្ចព្រមព្រៀងពាណិជ្ជកម្ម អឺរ៉ុប-វៀតណាម និងកិច្ចព្រមព្រៀងការពារការវិនិយោគក្នុងឆ្នាំ ២០១៩ ដែលបានដកចេញ ៩៩ ភាគរយនៃពន្ធគយទាំងអស់ និងកាត់បន្ថយរបាំងបទប្បញ្ញត្តិជាច្រើនផងដែរ៕
អត្ថបទ ស៊ើង និមល់
None
