វៀតណាម

វៀតណាមអនុម័តច្បាប់ថ្មីបើកផ្លូវឱ្យរដ្ឋរឹបអូសដីពលរដ្ឋដោយគ្មានការតវ៉ា សម្រាប់គម្រោងអាទិភាព


វៀតណាមកំពុងបើកផ្លូវឱ្យគម្រោងហេដ្ឋារចនាសម្ព័ន្ធធំៗដំណើរការលឿនជាងមុន​តាមរយៈការបើកផ្លូវឱ្យរដ្ឋរឹបអូសដីធ្លីដោយគ្មានការតវ៉ា ប៉ុន្តែវិធានការថ្មីនេះ ក៏ធ្វើឱ្យកសិករ និងម្ចាស់ដីបាត់បង់សិទ្ធិចរចាមួយផ្នែកក្នុងការទាមទារសំណង។ សភាវៀតណាមនៅថ្ងៃទី២១ ខែវិច្ឆិកា បានអនុម័ត​ច្បាប់ថ្មីដែលអនុញ្ញាតឱ្យអាជ្ញាធរចេញសេចក្តីសម្រេចដកហូតដីធ្លីពីពលរដ្ឋ មុនពេលផែនការ​ផ្ដល់សំណងត្រូវបានអនុម័តជាផ្លូវការ។ ​នេះបើ​យោងតាមការចុះផ្សាយរបស់សារព័ត៌មាន The Edge។
វៀតណាមអនុម័តច្បាប់ថ្មីបើកផ្លូវឱ្យរដ្ឋរឹបអូសដីពលរដ្ឋដោយគ្មានការតវ៉ា សម្រាប់គម្រោងអាទិភាព
ដោយ

សភាវៀតណាមបានអនុម័តច្បាប់ថ្មីដើម្បីពន្លឿនការដកហូតដីធ្លីពីពលរដ្ឋសម្រាប់គម្រោង

អាទិភាព ខណៈគម្រោងហេដ្ឋារចនាសម្ព័ន្ធ និងឧស្សាហកម្មជាច្រើនត្រូវបានពន្យារពេលអស់ជាច្រើនឆ្នាំដោយសារជម្លោះជុំវិញសំណងដីធ្លី។ ក្រោមច្បាប់ដែលបានកែសម្រួលថ្មី អាជ្ញាធរវៀតណាម អាចចេញសេចក្តីសម្រេចដកហូតដីធ្លី មុនពេលផែន​ការ​ផ្ដល់​សំណងត្រូវបានអនុម័ត ក្រោមលក្ខខណ្ឌថា មិនចាំបាច់ផ្លាស់ប្តូរទីលំនៅរបស់ពលរដ្ឋ ហើយផែនការ​ផ្ដល់សំណងត្រូវបានផ្សព្វផ្សាយជាសាធារណៈរួចរាល់។ វិធានការនេះអនុវត្តចំពោះគម្រោងសំខាន់ៗថ្នាក់ជាតិ គម្រោងវិនិយោគសាធារណៈបន្ទាន់ និងករណីដែល​ម្ចាស់ដីរងផលប៉ះពាល់ជាង៧៥%បានយល់ព្រម។

ទន្ទឹមនេះ រដ្ឋាភិបាលវៀតណាមអះអាងថា ច្បាប់ថ្មី​នេះ​ក៏នឹងពង្រឹងការការពារសិទ្ធិប្រជាពលរដ្ឋតាម

រយៈការរៀបចំទីលំនៅថ្មីឱ្យបានប្រសើរឡើង ការគាំទ្រជីវភាពរហូតដល់៣ឆ្នាំ និងការពង្រីកការបណ្តុះបណ្តាលជំនាញវិជ្ជាជីវៈ។

សូមបញ្ជាក់​ថា ច្បាប់ថ្មី​នេះនឹងចូលជាធរមាននៅថ្ងៃទី១ ខែកក្កដា ឆ្នាំ២០២៧។ ជាការកត់សម្គាល់ ជម្លោះដីធ្លីតែងតែជាបញ្ហារសើបនៅវៀតណាម ដោយការខ្វែងគំនិតគ្នាលើទំហំប្រាក់សំណងអាចអូសបន្លាយរាប់ឆ្នាំ ហើយពេលខ្លះឈានដល់ការតវ៉ាផងដែរ។ ដូច​នេះខណៈច្បាប់ថ្មី​នេះ​អាចជួយពន្លឿនគម្រោងអភិវឌ្ឍន៍ ក៏នៅតែមានការព្រួយបារម្ភ​ថា តើប្រជាពល​រដ្ឋនឹងទទួលបានសំណងសមរម្យនិងការការពារសិទ្ធិគ្រប់គ្រាន់ដែរឬទេ នៅពេលដីធ្លីរបស់ពួកគេត្រូវបានដកហូត។

សមាជិកសភាវៀតណាម ក៏បានលើកឡើងដែរថា កំណែទម្រង់នេះនឹងកំណត់លក្ខខណ្ឌនៃការដកហូតដីធ្លីឱ្យកាន់តែច្បាស់ និងកែលម្អប្រព័ន្ធវាយតម្លៃតម្លៃដី ដោយផ្អែកលើទិន្នន័យ និងមានតម្លាភាពជាងមុន៕

ដោយ: តែម សុខុម




អត្ថបទបន្ទាប់


តើវិស័យបដិសណ្ឋារកិច្ចកម្ពុជាត្រូវបត់បែន និងពង្រឹងខ្លួនបែបណា ​ដើម្បីទប់ទល់នឹងបញ្ហាប្រឈមនានា?

វិស័យបដិសណ្ឋារកិច្ច គឺជាឆ្អឹងខ្នងដ៏សំខាន់មួយ នៃវិស័យទេសចរណ៍កម្ពុជា ដែលត្រូវបានរាជរដ្ឋាភិបាលចាត់ទុកជាវិស័យអាទិភាពក្នុងការបង្កើតការងារ …
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ