លោក បៃឌិន និយាយថា រដ្ឋាភិបាលតាមតំបន់ជាច្រើនបានជាធូរស្រាលពីជំងឺរាតត្បាតកូវីដ១៩ ប៉ុន្តែក្រុមមួយចំនួននៅក្នុងសភា ដែលលោកសម្ដៅដល់សមាជិកសភាពពីគណបក្សសាធារណរដ្ឋ កំពុងធ្វើឱ្យវឌ្ឍនភាពនេះប្រឈមនឹងហានិភ័យឡើងវិញ តាមរយៈការបណ្តោយឱ្យកំរិតបំណុលអាមេរិកកើនដល់ពិដានខ្ពស់បំផុត ដែលនឹងក្លាយជាមហន្តរាយសម្រាប់ប្រទេសមួយនេះ។
ក្តីព្រួយបារម្ភពីមហន្តរាយសេដ្ឋកិច្ចនេះ កើតឡើងបន្ទាប់ពីនៅម្ខាងសភាក្រោមសម្លេងរបស់បក្សសាធារណៈរដ្ឋ ជំទាស់នឹងការដំឡើងពិដានបំណុល និងទាមទារឱ្យរដ្ឋកាត់បន្ថយចំណាយវិញ ដើម្បីនៅសល់ថវិកាសម្រាប់ចំណាយបន្ត ខណៈប្រធានាធិបតីដែលមកពីបក្សប្រជាធិបតេយ្យ គឺលោក ចូ បៃឌិន ទាមទារឱ្យដំឡើងពិដានបំណុល ដោយគ្មានលក្ខខណ្ឌ។
អត្ថបទគួរអាន
ក្រៅតែពីប្រធានាធិបតី សូម្បីតែរដ្ឋមន្ត្រីហិរញ្ញវត្ថុអាមេរិក លោកស្រី ចានិត យេឡេន ក៏បានព្រមានស្រដៀងគ្នាដែរថា សេដ្ឋកិច្ចអាមេរិក នឹងជួបមហន្តរាយ ឬធ្លាក់ក្នុងវិបត្តិផងដែរ។ ដោយមើលឃើញពីគ្រោះថ្នាក់ តាមរយៈជំនាញរបស់ខ្លួន រដ្ឋមន្ត្រីហិរញ្ញវត្ថុអាមេរិករូបនេះ កាលពីដើមខែមករាធ្លាប់បានផ្ញើរលិខិត២ច្បាប់ផ្សេងគ្នាសភាព និងព្រឹទ្ធសភារបស់អាមេរិក ឱ្យពិចារណាដំឡើងពិដានបំណុល ឬមួយ ត្រូវផ្អាកការកំរិតអត្រាបំណុលសិន។
ទោះយ៉ាងណា កន្លងមកលោក ចូ បៃឌិន និងប្រធានសភាមកពីបក្សសាធារណៈរដ្ឋ គឺ លោក Kevin McCarthy បានជួបជជែកគ្នានៅសេតវិមានកាលពីដើមខែនេះ ដើម្បីពិភាក្សាអំពីបញ្ហាខាងលើ។ លោក McCarthy បានប្រាប់ប្រធានាធិបតីថា លោកនឹងមិនដំឡើងពិដានបំណុល ដោយគ្មានសម្បទានពីបក្សប្រជាធិបតេយ្យទេ។ ដោយឡែក សូម្បីតែ លោក Mitch McConnell មេដឹកនាំព្រឹទ្ធសភាមកពីគណបក្សសាធារណរដ្ឋ ក៏គាំទ្រឱ្យមានការកាត់បន្ថយចំណាយ ជាជាងការដំឡើងពិដានបំណុលដែរ៕
