#វិស័យពាណិជ្ជកម្ម

សហរដ្ឋអាម៉េរិក ដែលជាមហាអំណាចសេដ្ឋកិច្ចធំជាងគេបំផុតលើពិភពលោកបានគ្រងតំណែងជាទីផ្សារនាំចេញធំជាងគេបំផុតរបស់កម្ពុជា អស់រយៈពេលជាច្រើនមកហើយ។ ប៉ុន្តែយើងសង្កេតឃើញថា វិនិយោគិនអាម៉េរិក ហាក់មិនសូវមកបោះទុនវិនិយោគនៅកម្ពុជា នោះទេ ដែលធ្វើឱ្យមានការចោទជាសំណួរថា តើមានកត្តាអ្វីខ្លះធ្វើឱ្យវិនិយោគិនអាម៉េរិក មិនសូវមកបោះទុនវិនិយោគនៅកម្ពុជា? ឆ្លើយតបនឹងសំណួរនេះអ្នកជំនាញសេដ្ឋកិច្ច បានបញ្ជាក់ថា ការដែលវិនិយោគិនអាម៉េរិក មិនសូវមកវិនិយោគនៅកម្ពុជា គឺដោយសារកត្តាដឹកជញ្ជូន និងទំហំទីផ្សារ និងមានកត្តាមួយចំនួនទៀត។