#វិស័យពាណិជ្ជកម្ម

ការដោះដូរពាណិជ្ជកម្មរវាងកម្ពុជា ជាមួយចិន នៅក្នុងរយៈពេល១០ខែឆ្នាំ២០២៥ សម្រេចបានទំហំរហូតដល់ជិត១៦ពាន់លានដុល្លារអាម៉េរិក មានការកើនឡើងជាង២៨% បើធៀបនឹងរយៈពេលដូចគ្នាកាលពីឆ្នាំ២០២៤ ដែលធ្វើឱ្យចិន ក្លាយជាដៃគូដោះដូរពាណិជ្ជកម្មធំជាងគេរបស់កម្ពុជា។ អ្វីដែលគួរឱ្យកត់សម្គាល់កម្ពុជា មានឱនភាពពាណិជ្ជកម្ម ឬការនាំចេញតូចជាងការនាំចូលរហូតដល់ជាង១៣ពាន់លានដុល្លារ ដែលជាគម្លាតមួយដ៏គួរឱ្យបារម្ភសម្រាប់សេដ្ឋកិច្ចកម្ពុជា។ តើកម្ពុជា គួរធ្វើយ៉ាងណា ដើម្បីកុំឱ្យការដោះដូរពាណិជ្ជកម្មជាមួយចិន មានគម្លាតគ្នាឆ្ងាយបែបនេះ?