#វិស័យហិរញ្ញវត្ថុ

ដើម្បីធានាបាននូវស្ថិរភាព និងភាពរឹងមាំនៃវិស័យហិរញ្ញវត្ថុ និងធនាគារនៅកម្ពុជា ស្របពេលសេដ្ឋកិច្ចពិភពលោកស្ថិតក្នុងភាពមិនច្បាស់លាស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ជំរុញឱ្យគ្រឹះស្ថានធនាគារទាំងអស់ពិនិត្យលទ្ធភាពក្នុងការផ្តល់សេវាកម្មឱ្យកាន់តែទូលំទូលាយបន្ថែមទៀត ជាពិសេសពិនិត្យលទ្ធភាពក្នុងការផ្តល់ឥណទានឱ្យបានកាន់តែច្រើនទៅដល់សហគ្រាសមីក្រូ ធុនតូច និងមធ្យម ដើម្បីជួយសម្រាលសម្ពាធហិរញ្ញវត្ថុ និងរួមចំណែកដល់ការរក្សាស្ថិរភាព នៃសកម្មភាពសេដ្ឋកិច្ចរបស់កម្ពុជា។