#វិស័យអប់រំ

សញ្ញាបត្រមានតែឈ្មោះ តែគ្មានចំណេះដឹងពិតប្រាកដ ឬសញ្ញាបត្រក្លែងក្លាយ កំពុងក្លាយជាប្រធានបទដ៏ក្តៅគគុក​ដែលធ្វើឱ្យមហាជនសម្តែងការព្រួយបារម្ភយ៉ាងខ្លាំង ព្រោះវាជាមេរោគដង្កូវស៊ីរូងផ្ទៃក្នុងដែលអាចលូនចូលទៅបំផ្លាញទាំងវិស័យរដ្ឋ និងឯកជន។ ក្រុមអ្នកតាមដានស្ថានការណ៍សង្គម បានព្រមានថា ការទិញ-លក់សញ្ញាបត្រក្លែងក្លាយនេះមិនមែនជារឿងថ្មីនោះទេ ប៉ុន្តែវាជាជំងឺរ៉ាំរ៉ៃ ដែលជះឥទ្ធិពលអាក្រក់បំផុតដល់តម្លៃ នៃការអប់រំ និងប្រសិទ្ធភាពការងារក្នុងសង្គម។