#វិស័យថាមពល

រដ្ឋមន្ត្រីក្រសួងរតនាគារអាម៉េរិក លោកស្រី ជេណេត យេលេន (Janet Yellen) បានប្រកាសថា សហរដ្ឋអាម៉េរិកអាចនឹងដាក់ទណ្ឌកម្មបន្ថែមទៀតលើកប៉ាល់ដឹកប្រេងខុសច្បាប់ដែលបំពានទណ្ឌកម្មអន្តរជាតិ ហើយក៏ពិចារណាដាក់ទណ្ឌកម្មលើបណ្ដាធនាគារចិន ផងដែរ ដើម្បីធ្វើឱ្យរុស្ស៊ី ធ្លាក់ចុះប្រាក់ចំណូលប្រេង និងដើម្បីកាត់បន្ថយការផ្គត់ផ្គង់របស់បរទេសដែលជួយដល់សង្គ្រាមរបស់រុស្ស៊ីនៅអ៊ុយក្រែន។ នេះបើយោងតាមការចុះផ្សាយរបស់សារព័ត៌មានអន្តរជាតិធំៗជាច្រើន។