វុធ ច័ន្ទតារា

នៅថ្ងៃព្រហស្បតិ៍ទី២៦តុលា ធនាគារកណ្តាលអឺរ៉ុបបានសម្រេចដំឡើងអត្រាការប្រាក់ ០,៧៥% ដែលជាកម្រិតខ្ពស់បំផុតចាប់តាំងពីឆ្នាំ២០០៩មក ដោយសន្យាថា នឹងបន្តបង្កើនការចំណាយលើការខ្ចីប្រាក់នៅប៉ុន្មានខែខាងមុខនេះ។ ធនាគារកណ្តាលអឺរ៉ុប ដែលមានមូលដ្ឋាននៅប្រទេសអាល្លឺម៉ង់បានពន្យល់ថា ការធ្វើដូច្នេះគឺដើម្បីទប់ទល់នឹងវិបត្តិអតិផរណាទំនិញ នៅតំបន់ចាយប្រាក់អឺរ៉ូ និងបើទោះបីតំបន់មួយនេះ កំពុងមានទស្សនវិស័យសេដ្ឋកិច្ចធ្លាក់ចុះក៏ដោយ។ នេះបើតាមការចុះផ្សាយរបស់សារព័ត៌មាន The Financial Times។