សោម ស្រីពេជ្រ

របាយការណ៍របស់ធនាគារជាតិនៃកម្ពុជា បានបង្ហាញថា ការនាំចូលយានយន្តរបស់កម្ពុជានៅពេញមួយឆ្នាំ២០២៣ក ន្លងទៅ បានធ្លាក់ចុះរហូតដល់ជិត៣៦% បើធៀបនឹងឆ្នាំ២០២២។ ជាមួយគ្នានេះ បើតាមរបាយការណ៍របស់សហព័ន្ធឧស្សាហកម្មយានយន្តកម្ពុជា ការលក់រថយន្តនៅកម្ពុជាជារួមក្នុងឆ្នាំ២០២៣ មានការធ្លាក់ចុះប្រមាណ២០% បើធៀបនឹងការលក់កាលពីឆ្នាំ២០២២ ក្នុងនោះការលក់រថយន្តថ្មីធ្លាក់ចុះ១០% ខណៈការលក់រថយន្តជជុះធ្លាក់ចុះ៣០%។