តើ​អ្នក​ដឹងទេ?

ដើមឡើយតាមការគូសវាសជាចក្ខុវិស័យពីសំណាក់រាជរដ្ឋាភិបាលកម្ពុជា ខេត្តព្រះសីហនុ នឹងត្រូវក្លាយជាប៉ូលសេដ្ឋកិច្ចពហុវិស័យ ហើយរដ្ឋាភិបាលក៏មានគោលដៅ នឹងប្រែក្លាយទីក្រុងមួយនេះឲ្យមានការអភិវឌ្ឍដូចលំនាំទីក្រុងស៊ិនជិនប្រទេសចិនដែរ ពោលគឺជាបណ្ដុំឧស្សាហកម្ម ទេសចរណ៍ និងបច្ចេកវិទ្យា។ ប៉ុន្ដែ មួយរយៈចុងក្រោយនេះ ការអភិវឌ្ឍខេត្តជាប់មាត់សមុទ្រមួយនេះ ត្រូវបានគេមើលឃើញថា ហាក់ដើរឆ្ងាយគន្លង ដោយមានសារតែការវិនិយោគពីប្រទេសចិនជាច្រើនផ្ដោតលើតែសណ្ឋាគារកាស៊ីណូ និងអគារខ្ពស់ រហូតដល់មានការលើកឡើងថា នឹងក្លាយជាទីក្រុងម៉ាកាវទី២ជាដើម។