Featured

តម្លៃប្រាក់ដុល្លារអាមេរិក បានហក់កើនឡើងក្នុងកម្រិតខ្ពស់មួយ ក្នុងរយៈពេល ៣សប្ដាហ៍មុននឹងជំនួបមេដឹកនាំកំពូលពីររូប គឺលោក ដូណាល់ត្រាំ និងលោក គីម ចុងអុន បានជួបគ្នានៅប្រទេសសាំងហ្គាពួរកាលពីព្រឹកមិញនេះ។ ទន្ទឹមគ្នានោះ តម្លៃផ្សារហ៊ុននៅអាស៊ី ក៏ចាប់ផ្ដើមមានរលកងើបឡើងគួរកត់សម្គាល់ផងដែរ។ ក្នុងជំនួបមេដឹកនាំ ដែលធ្លាប់ពាក់មុខយក្សដាក់គ្នាទាំងពីរនេះ គេសង្ឃឹមថា នឹងអាចត្រួសត្រាយផ្លូវដើម្បីបញ្ចប់ការប្រឈមមុខដាក់គ្នា ដោយការប្រើប្រាស់អាវុធនុយក្លេអែរនៅឧបទ្វីបកូរ៉េ។