Latest

វិស័យអាកាសចរណ៍ និងទេសចរណ៍កម្ពុជា កំពុងជួបប្រទះនឹងសម្ពាធជាថ្មី បន្ទាប់ពីក្រុមហ៊ុនអាកាសចរណ៍ខ្នាតយក្សរបស់ឥណ្ឌា IndiGo ដែលតភ្ជាប់ជើងហោះហើរត្រង់ពីទីក្រុង Kolkata មកកាន់ខេត្តសៀមរាប សម្រេចចិត្តផ្អាកប្រតិបត្តិការជាបណ្តោះអាសន្ននៅដើមខែកក្កដា ឆ្នាំ២០២៦ ខាងមុខនេះ ក្រោយដំណើរការបានជិតមួយឆ្នាំ។ ការសម្រេចចិត្តដកថយមួយជំហាននេះ គឺបណ្តាលមកពីការហក់ឡើង នៃថ្លៃដើមប្រតិបត្តិការ និងការធ្លាក់ចុះនៃលំហូរអ្នកដំណើរ ដែលរងឥទ្ធិពលប្រយោលពីវិបត្តិភូមិសាស្ត្រនយោបាយនៅមជ្ឈិមបូព៌ា។