Latest

មន្ត្រីជាន់ខ្ពស់ នៃក្រសួងសាធារណៈការ និងដឹកជញ្ជូនបានអះអាងថា ការរាតត្បាតនៃជំងឺកូវីដ-១៩ បាននិងកំពុងធ្វើឲ្យសកម្មភាពមួយចំនួននៃសិក្សាគម្រោងសាងសង់មជ្ឈមណ្ឌលភស្តុភារកម្មនៅរាជធានីភ្នំពេញរបស់ក្រុមហ៊ុនសិង្ហបុរី YCH ត្រូវបានពន្យារពេល។ ទោះយ៉ាងណា ក្រសួងសាធារណៈការនៅតែមានក្ដីសង្ឃឹមថា ការសិក្សាលើគម្រោងនេះ នឹងឈានទៅបញ្ចប់តាមការគ្រោងទុកនៅឆ្នាំ២០២២ ខណៈបច្ចុប្បន្នក្រុមហ៊ុន YCH កំពុងប្រើប្រាស់វិធីសាស្ត្រសិក្សាតាមប្រព័ន្ធអនឡាញវិញ។