Latest

ការផ្ទុះឡើងនៃវីរុស កូរ៉ូណា ដែលអាចឆ្លងពីមនុស្សទៅមនុស្សបាននោះ បានធ្វើឲ្យពិភពលោក កាន់តែព្រួយបារម្ភខ្លាំងពីបញ្ហាសុខភាពរបស់ពួកគេ ហើយក្តីកង្វល់នេះ ក៏ជាកត្តាអវិជ្ជមានសម្រាប់សេដ្ឋកិច្ច និងពាណិជ្ជកម្មរបស់ប្រទេសចិន ជាមួយបណ្តាប្រទេសជាដៃគូផងដែរ។ អ្នកជំនាញបានអះអាងថា កំណើនសេដ្ឋកិច្ចចិន នឹងមានការធ្លាក់ចុះខ្លាំងក្នុងត្រីមាសទី ១ ដើមឆ្នាំ ២០២០នេះ ដោយសារតែ ជំងឺដ៏កាចសាហាវនេះផ្ទុះឡើងចំពេលដែលប្រជាពលរដ្ឋចិន ឈប់សម្រាក និងត្រូវចំណាយច្រើនលើដំណើរកម្សាន្ត។ នេះបើយោងតាមការចេញផ្សាយរបស់ សារព័ត៌មានអន្តរជាតិធំៗជាច្រើន។