Latest

ពោតក្រហមរបស់កសិករខ្មែរក្នុងខេត្តបាត់ដំបង នៅតែមានទីផ្សារសម្រាប់ការនាំចេញទៅប្រទេសជិតខាង ដើម្បីផលិតជាចំណីសត្វ ប៉ុន្តែតម្លៃហាក់មានការធ្លាក់ចុះបន្តិច បើធៀបនឹងពេលកន្លងទៅ។ ការប្រែប្រួលតម្លៃគ្រាប់ពោតក្រហមនេះ ត្រូវបានប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបងអះអាងថា ដោយសារស្ថានភាពនៃតម្រូវការទីផ្សារ និងគុណភាពគ្រាប់ពោតនៅតាមតំបន់នីមួយៗ។ ទោះបីតម្លៃគ្រាប់ពោតមានការធ្លាក់ចុះបន្តិចក៏ពិតមែន ប៉ុន្តែមន្ត្រីជាន់ខ្ពស់រូបនេះអះអាងថា កសិករនៅតែទទួលបានផលចំណេញ។