ក្នុងចំណោមអ្នកឆ្លងថ្មី៣៤នាក់ដែលបានរកឃើញនោះ មាន១០នាក់រកឃើញនៅខេត្តព្រះសីហនុ។
សរុបចំនួនអ្នកឆ្លងគិតត្រឹមថ្ងៃទី០៣ ខែមីនា ដែលកម្ពុជាបានរកឃើញមានចំនួន.៨៧៨នាក់ ខណៈអ្នកជាសះស្បើយមាន៤៨២នាក់។
លោកស្រី Li Ailan តំណាងអង្គការសុខភាពពិភពលោកប្រចាំកម្ពុជាបានថ្លែងប្រាប់អ្នកសារព័ត៌មានកាលពីយប់ថ្ងៃទី ០២ ខែមីនាថា លោកស្រីមានក្ដីព្រួយបារម្ភចំពោះស្ថានភាពនៃវិការវវត្តកូវីដ-១៩ នៅកម្ពុជានាពេលថ្មីៗនេះ ដែលការផ្ទុះឆ្លងរលកទី៣នាពេលនេះ គឺជាដំណាក់កាលសំខាន់មួយដែលកម្ពុជាត្រូវរួមគ្នាក្នុងការទប់ស្កាត់ឲ្យបានទាន់ពេលវេលា។
កាលពីយប់ថ្ងៃទី០២ ខែមីនា ឆ្នាំ២០២១នេះ កម្ពុជាទើបទទួលបានវ៉ាក់សាំងកូវីដ-១៩ ប្រភេទ AstraZeneca ដែលផលិតនៅប្រទេសឥណ្ឌាចំនួន ៣២៤.០០០ ដូស ពីយន្ដការកូវ៉ាក់របស់អង្គការសុខភាពពិភពលោក។ វ៉ាក់សាំង ៣២៤.០០០ដូសនេះ គឺជាការផ្ដល់ជូនដំបូងក្នុងចំណមវ៉ាក់សាំងសរុប១,១លានដូស ដែលយន្ដការ កូវ៉ាក់នឹងផ្ដល់ជូនកម្ពុជានៅត្រឹមដំណាច់ខែឧសភាឆ្នាំ២០២១។ ប្រទេសកម្ពុជាត្រូវបានរំពឹងទុកថា នឹងទទួលបានបរិមាណវ៉ាក់សាំងសម្រាប់២០% នៃប្រជាជនសរុប (ប្រហែល៧លានដូស) ពីយន្ដការកូវ៉ាក់ ដែលនឹងដឹកជញ្ជូនមកដល់កម្ពុជាជាបន្ដបន្ទាប់នៅក្នុងឆ្នាំ២០២១។ វ៉ាក់សាំងទើបមកដល់ថ្មីបន្ថែមនេះ គឺជាជំហានដ៏សំខាន់មួយទៀត ឆ្ពៅទៅគោលដៅរបស់រាជរដ្ឋាភិបាលកម្ពុជាក្នុងគោលបំណងចាក់វ៉ាក់សាំងដល់ប្រជាពលរដ្ឋឲ្យបាន១០លាននាក់។
អត្ថបទទាក់ទង!
បើតាមរបាយការណ៍ពីក្រសួងសុខាភិបាលគិតតាំងពីថ្ងៃទី ១០កុម្ភៈ រហូតដល់ថ្ងៃទី០២ ខែមីនា មានមនុស្សជាង៦ម៉ឺ៥ពាន់នាក់ហើយបានមកចាក់វ៉ាក់សាំង។
យ៉ាងណាក៏ដោយចុះ បើតាមអ្នកជំនាញរបស់អង្គការសុខភាពពិភពលោក ទោះបីជាមានវ៉ាក់សាំងបានចាប់ហើយខ្លះក៏ពិតមែន ប៉ុន្ដែវត្តមានវ៉ាក់សាំងតែមួយមុខមិនអាចដោះស្រាយបញ្ហាកូវីដ-១៩ បានភ្លាមៗនោះទេ វាចាំបាច់ត្រូវមានការចូលរួមពីសំណាក់ប្រជាពលរដ្ឋទាំងអស់ក្នុងការចូលរួមបង្ការខ្លួនទប់ស្កាត់ការឆ្លងមេរោគ ពោលគឺត្រូវគោរពតាមគោលការណ៍ណែនាំពីសំណាក់រាជរដ្ឋាភិបាលក៏ដូចជាក្រសួងសុខាភិបាលឲ្យបានខ្ជាប់ខ្ជួន។ វិធានការទាំងនោះរួមមាន គឺត្រូវពាក់ម៉ាស់ ឡាងដៃញឹកញាប់ និងរក្សាគម្លាតសុវត្ថិភាព។ ហើយកុំទៅកន្លែងមានមនុស្សច្រើនកកកុញ, កុំទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក និងកុំប៉ះពាល់គ្នា ចាប់ដៃ កៀកស្មា ឱបគ្នា នៅពេលជួបគ្នា៕
None
