ឯកឧត្តម ហុង សុហួរ បានបញ្ជាក់ទៀតថា «សម្រាប់ឆ្នាំ២០២០នេះដែរ យើងសង្ឃឹមថាជាមួយនឹងវត្តមានរបស់ ធនាគារ អេស៊ីលីដា រួមជាមួយនឹងក្រុមហ៊ុនចុះបញ្ជីសក្តានុពលមួយចំនួនទៀត ដែលកំពុងតែបន្តនីតិវិធី និងរៀបចំខ្លួនចុះបញ្ជី នឹងកាន់តែធ្វើឱ្យទីផ្សារមួយនេះបោះជំហានធំទៅមុខមួយកម្រិតទៀត»។
លោកបណ្ឌិត អុិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី បានឲ្យដឹងដែរថា ការចុះបញ្ជីនៅក្នុងផ្សារហ៊ុនដើម្បីអាចឲ្យប្រជាជនខ្មែរចូលរួមវិនិយោគបាននេះ គឹអេស៊ីលីដា ចង់ឲ្យមានការធ្វើពិពិធកម្មប្រភពទុន។ លោកបណ្ឌិតបញ្ជាក់ថា «អ្វីដែលយើងបើកទំព័រថ្មីនាថ្ងៃនេះហ្នឹង គឺឲ្យធនាគារអេស៊ីលីដា អាចប្រើប្រាស់ប្រភពទុនវិនិយោគ ពីវិនិយោគិនសាធារណៈនៅក្នុងព្រះរាជាណាចក្រកម្ពុជានេះ ក៏ដូចជាវិនិយោគិនទូទៅដែលចង់ធ្វើការវិនិយោគជាមួយធនាគារអេស៊ីលីដា គឺតាមផ្សារហ៊ុនរបស់កម្ពុជានេះឯង តាមCSX រឿងនេះសំខាន់សម្រាប់សេដ្ឋកិច្ចដែលមានការលូតលាស់ និងមានការរីកចម្រើន»។
លោក បណ្ឌិត អុិន ចាន់នី ប្រធាននាយកប្រតិបត្តិធនាគារអេស៊ីលីដា បានមានប្រសាសន៍ថា ទីផ្សារមូលបត្រកម្ពុជា គឺជាប្រភពទុនសម្បូរបែប និងមិនចេះរីកស្ងួតរបស់កម្ពុជា។ លោកបន្ថែមថា សម្រាប់អេស៊ីលីដា ការដែលសម្រេចចិត្តចុះបញ្ជីលក់ភាគហ៊ុននាពេលនេះ គឺដើម្បីធ្វើពិពិធកម្មប្រភពទុន ដោយកាលពីមុនអេស៊ីលីដាពឹងផ្អែកតែលើប្រភពទុនពីដៃគូវិនិយោគយុទ្ធសាស្ត្រ តែឥឡូវនេះ គឺអេស៊ីលីដាមានប្រភពទុនថ្មីមួយទៀត ពីវិនិយោគិនសាធារណៈ ដែលធ្វើឲ្យប្រភពទុនរបស់ធនាគារនេះកាន់តែមានភាពចម្រុះ និងសម្បូរបែប។
សំឡេងជួងអេស៊ីលីដានៅក្នុងផ្សារមូលបត្រកម្ពុជា នឹងដាស់គ្រឹះស្ថានហិរញ្ញវត្ថុដទៃទៀតឲ្យចាប់អារម្មណ៍ទីផ្សារមូលបត្រកាន់តែខ្លាំង
អត្ថបទទាក់ទង!
នៅក្នុងពិធីចុះបញ្ជីផ្លូវការរបស់ធនាគារ អេស៊ីលីដា ភីអិលស៊ី ក្នុងក្រុមហ៊ុនផ្សារមូលបត្រកម្ពុជានេះដែរ ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា ការចុះបញ្ជីលក់មូលបត្រកម្មសិទ្ធិជាសាធារណៈរបស់ធនាគារអេស៊ីលីដា គឺជាប្រវត្តិសាស្ត្រថ្មីមួយទៀតក្នុងទីផ្សារមូលបត្រកម្ពុជា ដែលមានធនាគារពាណិជ្ជកម្មទី១ ដែលបានចុះបញ្ចីលក់មូលបត្រកម្មសិទ្ធិ ឬហៅថាភាគហ៊ុន។
ឯកឧត្តមបណ្ឌិតសភាចារ្យបានបន្ថែមថា «ការដែលឲ្យកត់សម្គាល់នោះ គឺមូលធនូបនីយកម្មមានសរុបរបស់ធនាគារអេស៊ីលីដា មានចំនួនប្រមាណ ៧ទ្រីលានរៀល ឬក៏ប្រហាក់ប្រហែលនឹងប្រមាណ ១,៧៥ ប៊ីលានដុល្លារអាមេរិក ដែលទំហំនេះ ស្មើនឹងជិត ៣ដងនៃមូលធនូបនីយកម្ម ទីផ្សារសរុប នៅផ្សារមូលបត្រកម្ពុជាបច្ចុប្បន្ន ដែលធ្វើឲ្យទីផ្សារនេះកាន់តែមានភាពទាក់ទាញវិនិយោគិនបរទេស ជាពិសេសវិនិយោគិនជាស្ថាប័ន ហើយនេះជាកត្តាមួយដែលនឹងជួយជំរុញសកម្មភាពជួញដូរនៅលើទីផ្សារមូលបត្រកម្ពុជា»។
សំឡេងជួងអេស៊ីលីដានៅក្នុងផ្សារមូលបត្រកម្ពុជា នឹងដាស់គ្រឹះស្ថានហិរញ្ញវត្ថុដទៃទៀតឲ្យចាប់អារម្មណ៍ទីផ្សារមូលបត្រកាន់តែខ្លាំង
បើតាមឯកឧត្តមឧបនាយករដ្ឋមន្ត្រី ផ្សារមូលបត្រកម្ពុជាបាននិងកំពុងក្លាយជាច្រកហិរញ្ញប្បទានមួយដ៏សំខាន់សម្រាប់ក្រុមហ៊ុន និងសហគ្រាស ដែលត្រូវការទុន ជួយគាំទ្រដល់ការរីកចម្រើននៃវិស័យឯកជន ព្រមទាំងផ្ដល់នូវបរិយាកាសអំណោយផលដល់អ្នកចូលរួមក្នុងទីផ្សារទាំងឡាយផងដែរ។
គួរបញ្ជាក់ផងដែរថា ធនាគារ អេស៊ីលីដា បានក្លាយជាក្រុមហ៊ុនចុះបញ្ជីមូលបត្រកម្មសិទ្ធិទី៦ និងជាធនាគារពាណិជ្ជដំបូងគេបង្អស់ដែលបានចុះបញ្ជីលក់មូលបត្រកម្មសិទ្ធិ នៅផ្សារមូលបត្រកម្ពុជា។ គិតត្រឹមពេលគោះជួងប្រកាសពីការចុះបញ្ជីជាផ្លូវការនៅម៉ោង ៩ព្រឹក មានភាគហ៊ុនរបស់អេស៊ីលីដាចំនួន ២.៩៥៤ ភាគហ៊ុន ដែលបានប្រកាសលក់ នឹងបានកើនឡើងដល់ជាង ៣.៥០០ ភាគហ៊ុនក្រោយបញ្ចប់កម្មវិធីនាវេលាម៉ោង ១០ព្រឹកមិញនេះ។
ឯកឧត្តម ហុង សុហួរ បានគូសបញ្ជាក់ថា គិតមកត្រឹមថ្ងៃនេះ ផ្សារមូលបត្រកម្ពុជាមានក្រុមហ៊ុនចុះបញ្ជីសរុបចំនួន ១២ក្រុមហ៊ុន ដែលក្នុងនោះមានក្រុមហ៊ុនចុះបញ្ជីលក់មូលបត្រកម្មសិទ្ធិ (ជាភាគហ៊ុន) ចំនួន៦ និងក្រុមហ៊ុនចុះបញ្ជីលក់សញ្ញា បណ្ណចំនួន ៦។ ក្រុមហ៊ុនទាំង ១២ នេះបានប្រមូលទុនពីផ្សារមូលបត្រ សរុបប្រមាណជាង ២៤០ លានដុល្លារអាមេរិក។
សកម្មភាពទីផ្សារក៏មានការរីកចម្រើនជាងមុនច្រើន ដោយសន្ទស្សន៍ថ្លៃភាគហ៊ុនបានកើនឡើងដល់ ៧៦១,៧៣ពិន្ទុនៅចុងឆ្នាំ២០១៩ ធៀបនឹងចុងឆ្នាំ២០១៨ ទំហំជួញដូរមធ្យមប្រចាំថ្ងៃបានកើនជាង ៥ដងពីចំនួន ១០៦,៨៨លានរៀល (ប្រហែល២៦.៧១៩ដុល្លារអាមេរិក)នៅក្នុង ឆ្នាំ២០១៨មកដល់ចំនួន៦២៨,១៨លានរៀល (ប្រហែល១៥៧.០៤៥ដុល្លារអាមេរិក) ជាមធ្យមនៅក្នុងឆ្នាំ២០១៩។ រីឯគណនីជួញដូរវិញ មានការកើនឡើងដល់ជាង ២ម៉ឺន ៥ពាន់គណនី។
សំឡេងជួងអេស៊ីលីដានៅក្នុងផ្សារមូលបត្រកម្ពុជា នឹងដាស់គ្រឹះស្ថានហិរញ្ញវត្ថុដទៃទៀតឲ្យចាប់អារម្មណ៍ទីផ្សារមូលបត្រកាន់តែខ្លាំង
អត្ថបទគួរឲ្យចាប់អារម្មណ៍
អគ្គនាយកក្រុមហ៊ុនផ្សារមូលបត្រកម្ពុជារំពឹងថា នឹងអាចក្លាយជាឧបករណ៍វិនិយោគដ៏មានសក្តានុពលតាមរយៈការធ្វើពិពិធកម្មផលបត្រវិនិយោគសម្រាប់វិនិយោគិន ដូចនៅក្នុងប្រទេសជិតខាង និងក្នុងតំបន់ និងអាចក្លាយជាទីផ្សារមួយដែលជួយកៀរគរទុន ផ្តល់ជម្រើសពិពិធកម្មប្រភពទុនថ្មីមួយទៀតបន្ថែមលើប្រភពទុនដែលមានស្រាប់ និងគាំទ្រដល់ការរីកចម្រើនរបស់ក្រុមហ៊ុនក្នុងស្រុកនានា ជួយបង្កើនប្រាក់ចំណូលរបស់ប្រជាពលរដ្ឋ ហើយនឹងជួយជម្រុញការអភិវឌ្ឍសេដ្ឋកិច្ចជាតិ។
សូមបញ្ជាក់ថា រហូតដល់ចុងឆ្នាំឆ្នាំនេះ ក្រុមហ៊ុនផ្សារមូលបត្រកម្ពុជា រំពឹងថា នឹងមានក្រុមហ៊ុនចុះបញ្ជីចំនួន ២ទៀត ដែលអាចមួយចុះបញ្ជីលក់ភាគហ៊ុន និងមួយទៀតចុះបញ្ជីលក់មូលបត្របំណុល៕
None
