ឯកសារសម្រាប់បងប្អូនប្រជាពលរដ្ឋមានបំណងប្តូរនិងពន្យារបណ្ណបើកបររួមមានដូចជា៖
១.អត្តសញ្ញាណប័ណ្ណសញ្ជាតិខ្មែរ
២.លិខិតបញ្ជាក់កាយសម្បទា(អាចធ្វើនៅទីតាំងផ្ទាល់)
៣.រូបថត៤x៦ផ្ទៃពណ៌ស៣សន្លឹក(ថតនៅទីតាំងផ្ទាល់)
៤. ពាក្យបណ្តឹងបាត់បណ្ណបើកបរបញ្ជាក់ពីប៉ុស្តិ៍រដ្ឋបាល (ក្នុងករណីបាត់បណ្ណបើកបរ)។
រីឯសម្រាប់អ្នកប្រឡងយកបណ្ណបើកបរវិញ ត្រូវមានឯកសារដូចជា
១.អត្តសញ្ញាណប័ណ្ណសញ្ជាតិខ្មែរ
២.លិខិតបញ្ជាក់កាយសម្បទា(អាចធ្វើនៅទីតាំងផ្ទាល់)
៣.រូបថត៤x៦ផ្ទៃពណ៌ស៣សន្លឹក(ថតនៅទីតាំងផ្ទាល់) និងលិខិតបញ្ជាក់ការសិក្សាពីសាលាង្រៀនបើកបរសម្រាប់បណ្ណប្រភេទ គ ឃ និង ងផងដែរ ។
អត្ថបទគួរអាន
គួរជម្រាបថា ការបើកផ្តល់សេវាបណ្ណបើកកបរ គឹធ្វើឡើងជាងរៀងរាល់ថ្ងៃ ពីថ្ងៃច័ន្ទដល់ថ្ងៃអាទិត្យ រួមនឹងថ្ងៃបុណ្យផងដែរនៅផ្សារទំនើបអ៊ីអន១ ពីម៉ោង៩ព្រឹកដល់ម៉ោង៨យប់ និងផ្សារទំនើបអ៊ីអន២ ពីម៉ោង៩ព្រឹកដល់ម៉ោង១០យប់។
សូមជម្រាបថា កាលពីថ្ងៃទី០២ ឧសភាម្សិលមិញនេះ ផ្តល់សេវាបាន មណ្ឌលផ្តល់បណ្ណបើកបរយានយន្តទាំងផ្សារទំនើបអ៊ីអន១ និងផ្សារទំនើបអ៊ីអន២ បានផ្តល់បណ្ណបើកបរ ចំនួន៦៣៤ បណ្ណ ដល់ប្រជាពលរដ្ឋ។ជាមួយគ្នានេះផងដែរ ចាប់តាំងពីការដាក់ដំណើរការជាផ្លូវការ រហូតដល់ខែ មេសា ឆ្នាំ២០២០ មណ្ឌល ផ្តល់បណ្ណបើកបរយានយន្ត ទាំងផ្សារទំនើបអ៊ីអន១ និងផ្សារទំនើបអ៊ីអន២ បានប្តូរ ពន្យារ និងប្រឡង សរុបចំនួន ១១៨.៦៣៤ បណ្ណហើយ។
សូមបញ្ជាក់ផងដែរថា មណ្ឌលផ្តល់បណ្ណបើកបរយានយន្ត ផ្សារទំនើបអ៊ីអន១ បានបើកសម្ពោធផ្លូវការនាថ្ងៃ១៥ ខែមិថុនា ឆ្នាំ២០១៦ និង មណ្ឌលផ្តល់បណ្ណបើកបរយានយន្ត ផ្សារទំនើបអ៊ីអន១ បានបើកសម្ពោធផ្លូវការនាថ្ងៃទី២២ ខែមិថុនា ឆ្នាំ២០១៨។ មណ្ឌលទាំងពីរនះ ដើរតួនាទីយ៉ាងសំខាន់ក្នងការបង្ខិតសេវាជិតប្រជាពលរដ្ឋ ជាមួយតម្លាភាព ចំណេញពេលវេលា និងលុបបំបាត់ចំណាយក្រៅផ្លូវការ៕
None
