បុរី មេគង្គ លែន បរិច្ចាកថវិការ ជូនដល់អង្គការហូប កម្ពុជា ក្នុងការពិនិត្យ និងព្យាបាលត្រចៀក ច្រមុះ ជូនដល់ មជ្ឈមណ្ឌលស្តារលទ្ធភាពពលកម្មឱកាសខ្ញុំ

បុរី មេគង្គ លែន​​ ក្រោមការដឹកនាំរបស់ លោកឧកញ៉ា ជាម ឃុនណាត លោកពិតជាមានការគិតគូយ៉ាង ដិតដល់ និងបានប្រកាន់យកនូវទស្សនៈវិស័យយ៉ាងម៉ុតមាំ​​ ក្នុងកិច្ចការងារសប្បុរសធម៌ផ្សេងៗតាមដែលអាចធ្វើទៅបាន ។ ការចូលរួមចំណែកនេះមិនត្រឹមតែអាចជួយដល់អ្នកខ្វះខាតប៉ុណ្ណោះទេ តែវាក៏ជាផ្នែកមួយដ៏សំខាន់ផងដែរ សម្រាប់រាជរដ្ឋាភិបាលកម្ពុជា ។

លោកក៏តែងតែមានប្រសាសន៍លើកឡើងជារឿយៗថា “នៅពេលដែលយើងម្នាក់ៗមានលទ្ធភាព គ្រប់គ្រាន់ យើងគួរតែចូលរួមចំណែកធ្វើអ្វីមួយ ​ដើម្បីជាការតបស្នងទៅកាន់រាជរដ្ឋាភិបាល របស់យើងវិញ” ដោយការជួយមួយនេះ គឺជាការចូលរួមប្រកបដោយការដឹងគុណ និងក្តីស្រលាញ់ឥតមានលក្ខខណ្ឌ​ ។

សូមបញ្ជាក់ផងដែរថា បុរី មេគង្គ លែន គឺជា ក្រុមហ៊ុនអភិវឌ្ឍអចលនទ្រព្យក្នុងស្រុកមួយនៅកម្ពុជា គួរជាទីទុកចិត្តបំផុត ដែលមានកេរ្តិ៍ឈ្មោះល្បីល្បាញ និងត្រូវបានគេទទួលស្គាល់ទាំងគុណភាពនៃសំណង់ ម៉ូតផ្ទះស្អាតដាច់គេ នៅគ្រប់ប្រភេទគម្រោង ទាំងអស់របស់បុរី ផងដែរ ។