គម្រោងបង្កើតរោងចក្រផលិតម៉ាសថ្មីនេះ មានទីតាំងស្ថិតនៅក្នុងសួនឧស្សាហកម្មវឌ្ឍនៈ ២ អគារលេខ ៩ ផ្លូវជាតិលេខ៣ ភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ មានទុនវិនិយោគប្រមាណជាង ៣លានដុល្លារអាមេរិក និងអាចបង្កើតការងារ ៩១៥កន្លែងផងដែរ។
សូមជម្រាបផងដែរថា តាមការផ្សព្វផ្សាយរបស់ក្រុមប្រឹក្សាអភិវឌ្ឍន៍កម្ពុជានៅលើគេហទំព័រហ្វេសប៊ុករបស់ខ្លួន បង្ហាញថា គិតត្រឹមដើមខែមីនា ឆ្នាំ២០២០ រាជរដ្ឋាភិបាលអនុម័តគម្រោងវិនិយោគជិត ១ពាន់លានដុល្លារ និងបានផ្តល់ឱកាសការងាររាប់ម៉ឺនកន្លែង។
អត្ថបទទាក់ទង!
ក្នុងចំណោមរោងចក្របានសម្រេចអនុម័តគម្រោងវិនិយោគកន្លងមកនោះ រួមមានក្រុមហ៊ុន អភិវឌ្ឍន៍រោងចក្រឧស្សាហកម្ម កាត់ដេរ សម្លៀកបំពាក់ និងស្បែកជើង រោងចក្រផលិតសំបកកេស ផលិតបរិក្ខាអគ្គីសនី ការវិនិយោគសណ្ឋាគារ មន្ទីរពេទ្យ រោងចក្រផលិតឥដ្ឋ និងរោងចក្រកែច្នៃឈើ សរុបប្រមាណ ៤២ គម្រោង ជាមួយនឹងទុនវិនិយោគ ជាង ៩៦១លានដុល្លារអាមេរិក។
ប៉ុន្តែយ៉ាងណាអ្វីដែលធ្វើឲ្យមានការកត់សម្គាល់នោះ គឺមានក្រុមហ៊ុនចំនួន១៤ បានស្នើសុំវិនិយោគក្នុងខេត្តកំពង់ស្ពឺ និងភ្នំពេញ ១០ក្រុមហ៊ុន, ខេត្តកណ្តាល ៥ក្រុមហ៊ុន, ព្រះសីហនុ ៤ក្រុមហ៊ុន, និងខេត្តតាកែវ និងស្វាយរៀងមាន២ក្រុមហ៊ុនដូចគ្នា ខណៈសៀមរាប កំពង់ចាម និងកំពង់ឆ្នាំមានម្នាក់១ក្រុមហ៊ុនប៉ុណ្ណោះ ដែលបានស្នើសុំវិនិយោគនៅទីនោះ៕
None
