ក្នុងរបាយការណ៍ដដែលនោះ បានបញ្ជាក់ទៀតថា ទំហំទឹកប្រាក់ដែលកម្ពុជា បាននាំចេញទៅកាន់អាមេរិកមានរហូតដល់ជាង៣ពាន់លានដុល្លារ ខណៈដែលការនាំចូលពីអាមេរិកមានត្រឹមតែ៤០០លានដុល្លារ។ បើក្រឡេកទៅមើល ការនាំចេញរបស់កម្ពុជាទៅកាន់អាមេរិកកាលពីឆ្នាំ២០១៦វិញ ឃើញថា មានត្រឹមតែជាង ២,៨ ពាន់លានដុល្លារប៉ុណ្ណោះ ខណៈដែលការនាំចូលពីអាមេរិកមានជាង ៣៦០ លានដុល្លារអាមេរិក។
យ៉ាងណាក៏ដោយ បើធៀបឆ្នាំ២០១៦ និងឆ្នាំ២០១៥ ឃើញថា ការនាំចេញទៅកាន់អាមេរិកនៅឆ្នាំ២០១៦ មានការធ្លាក់ចុះគួរឲ្យកត់សម្គាល់ ពោលគឺមានប្រមាណតែជាង ២,៨ ពាន់លានដុល្លារ ខណៈកាលពីឆ្នាំ២០១៥ មានជាង ៣ ពាន់លានដុល្លារអាមេរិក។ ដ្បិតតែយ៉ាងនេះក្ដី ប៉ុន្ដែនៅឆ្នាំ ២០១៧ កំណើននាំចេញរបស់កម្ពុជាទៅកាន់អាមេរិកបានងើបខ្ពស់ឡើងវិញ ពោល គឺមានប្រមាណជាង ៣,៤ ពាន់លានដុល្លារអាមេរិក។
តើអ្នកបានអានអត្ថបទនេះហើយ ឬ នៅ?
តាមមន្ត្រីនាំពាក្យក្រសួងពាណិជ្ជកម្មបានលើកឡើងថា ការនាំចេញទំនិញពីកម្ពុជាទៅកាន់សហរដ្ឋអាមេរិក គឺត្រូវបានទទួលការអនុគ្រោះពន្ធគយ សម្រាប់តែការនាំចេញកាបូបធ្វើដំណើរប៉ុណ្ណោះ ដោយឡែកសម្រាប់មុខទំនិញផ្សេងទៀត គឺត្រូវបានធ្វើឡើងតាមរយៈកិច្ចព្រមព្រៀងនៃអង្គការ WTO។ ម្យ៉ាងទៀត កម្ពុជា ក៏កំពុងធ្វើពិពិធកម្មទីផ្សារបន្ថែម ទៅកាន់ទីផ្សារនៃបណ្ដាប្រទេផ្សេងៗទៀតផងដែរ។
សូមបញ្ជាក់ដែរថា កាលពីពេលកន្លងទៅ សមាគមរោងចក្រកាត់ដេរនៅកម្ពុជា (GMAC) ក៏ធ្លាប់បានស្នើឲ្យភាគីអាមេរិកលើកលែងពន្ធនាំចូលស្បែកជើងពីកម្ពុជាទៅអាមេរិក ក្រោមប្រព័ន្ធអនុគ្រោះពន្ធឈ្មោះថា GSP ដែរ ។ ទោះយ៉ាងណា រហូតមកទល់ពេលនេះ ការស្នើរសុំនេះ នៅមិនទាន់សម្រេចបានលទ្ធផលនៅឡើយទេ៕
None
