ទោះយ៉ាងណា រដ្ឋាភិបាលចិនមិនទាន់បានប្រកាសពីកិច្ចព្រមព្រៀងផ្គត់ផ្គង់ជាមួយនឹងក្រុមហ៊ុនផលិតវ៉ាក់សាំងនៃប្រទេសលោកខាងលិចនេះនៅឡើយទេ។
ក្រុមហ៊ុនចិន Shanghai Fosun Pharmaceutical Group បាននិយាយថា ក្រុមហ៊ុននឹងទទួលបាន៦០% នៃប្រាក់ចំណេញដុលប្រចាំឆ្នាំ ពីការលក់វ៉ាក់សាំងនេះ ដែលវាគឺត្រូវបានផលិតឡើងពីធាតុផ្សំដែលបាននាំចូលមក និង៦៥% នៃប្រាក់ចំណេញ គឺបានពីការលក់វ៉ាក់សាំងដែលបានផលិតរួចរាល់សម្រាប់ការប្រើប្រាស់។
សម្រាប់ការផ្គត់ផ្គង់ដំណាក់កាលដំបូង ៥០លានដូស ក្រុមហ៊ុន Fosun នឹងទូទាត់ប្រាក់ជាមុនដល់ក្រុមហ៊ុន BioNTech ប្រមាណជាង៣០០លានដុល្លារ នៅពាក់កណ្ដាលខែធ្នូនេះ ហើយនៅសល់ប៉ុន្មាននឹងទូទាត់តាមក្រោយបន្ទាប់ពីវ៉ាក់សាំងនេះ ត្រូវបានអនុម័តឲ្យប្រើប្រាស់ជាផ្លូវការ។ នេះបើតាមការបញ្ជាក់របស់ក្រុមហ៊ុននៅក្នុងឯកសារដែលបានដាក់ជូនទៅកាន់ផ្សារភាគហ៊ុនហុងកុង។
អត្ថបទទាក់ទង!
វ៉ាក់សាំងកូវីដ-១៩ ដែលត្រូវបានអភិវឌ្ឍដោយក្រុមហ៊ុន BioNTech របស់អាល្លឺម៉ង់ និងក្រុមហ៊ុនអាមេរិកជាដៃគូ គឺ Pfizer ត្រូវបានអនុញ្ញាតប្រើប្រាស់ជាសាធារណៈនៅប្រទេសអង់គ្លេស និងសហរដ្ឋអាមេរិក ហើយវ៉ាក់សាំងនេះ ក៏ទទួលបានការអនុម័តឲ្យប្រើប្រាស់ជាបន្ទាន់នៅក្នុងប្រទេសមួយចំនួនទៀតផងដែរ។
គួរបញ្ជាក់ថា ប្រទេសចិន បានអនុញ្ញាតឲ្យមានប្រើប្រាស់វ៉ាក់សាំងជាបន្ទាន់ សម្រាប់វ៉ាក់សាំងរបស់ក្រុមហ៊ុនចំនួន២ គឺក្រុមហ៊ុន Sinopharm ដែលមានរដ្ឋចិននៅពីក្រោយខ្នង និងក្រុមហ៊ុន Sinovac Biotech។ យ៉ាងណាមិញ វ៉ាក់សាំង Sinovac របស់ចិននេះ ក៏មានប្រទេសមួយចំនួនបានប្រកាសទិញយកទៅប្រើប្រាស់ផងដែរ ដូចជាប្រេស៊ីល ឈីលី និងឥណ្ឌូនេស៊ីជាដើម៕
None
