ធនាគារកណ្ដាលចិន ចាក់បញ្ចូលសាច់ប្រាក់៧០ពាន់លានដុល្លារបន្ថែមទៀតទៅក្នុងប្រព័ន្ធធនាគារ
ធនាគារកណ្តាលនៃប្រទេសចិន ដែលមានសេដ្ឋកិច្ចធំបំផុតទី២របស់ពិភពលោកបានចាក់បញ្ចូលសាច់ប្រាក់រហូតដល់ទៅ៧០ពាន់លានដុល្លារអាម៉េរិកបន្ថែមទៀតចូលទៅក្…
ក្រុមហ៊ុន Siam Cement Group (SCG) ដែលជាក្រុមហ៊ុនផលិតស៊ីម៉ងត៍ដ៏ធំបំផុតរបស់ប្រទេសថៃបានសម្រេចផ្អាកប្រតិបត្តិការរោងចក្រគីមីឥន្ធនៈ ឡុង សឺង ក្នុងប្រទេសវៀតណាម ដើម្បីទប់ទល់ថ្លៃដើមផលិតកម្មហក់ឡើងខ្ពស់ និងផលប៉ះពាល់បណ្ដាលមកពីការដាំធ្លាក់ចុះនៃទីផ្សារគីមីឥន្ធនៈពិភពលោក។
ការផ្អាកដំណើរការដែលនឹងមានរយៈពេលយ៉ាងតិ៦ខែនេះ បានចាប់ផ្តើមកាលពីអំឡុងពាក់កណ្តាលខែតុលា ពោលគឺត្រឹមប្រមាណពីរសប្តាហ៍ប៉ុណ្ណោះ បន្ទាប់ពីរោងចក្រគីមីឥន្ធនៈ ឡុង សឺង បានចាប់ផ្តើមប្រតិបត្តិការពាណិជ្ជកម្ម នៅថ្ងៃទី៣០ ខែកញ្ញា ជាមួយនឹងសមត្ថភាពផលិត៧ម៉ឺន៤ពាន់តោនក្នុង១ឆ្នាំ។
លោក ធម្មសាក់ សេហូដំ (Thammasak Sehaudom) ប្រធាន និងជានាយកប្រតិបត្តិនៃក្រុមហ៊ុន SCG បានលើកឡើងថា ក្រុមហ៊ុនរបស់លោកចាំបាច់ត្រូវកែសម្រួលអាជីវកម្មរបស់ខ្លួន ដើម្បីឆ្លើយតបទៅនឹងបញ្ហាប្រឈមនានានៅក្នុងឧស្សាហកម្មគីមីឥន្ធនៈ។ សូមបញ្ជាក់ថា តម្រូវការផលិតផលគីមីទូទាំងពិភពលោកនៅពេលនេះកំពុងធ្លាក់ចុះ ហើយប្រាក់ចំណេញសម្រាប់ផលិតផលគីមីទាំងនេះក៏ទាប ។
ទោះជាយ៉ាងណាលោក ធម្មសាក់ សេហូដំ (Thammasak Sehaudom) បានគូសបញ្ជាក់ថា ការផ្អាកដំណើរនេះមិនមានន័យថា ក្រុមហ៊ុន SCG Chemicals ដែលជាបុត្រសម្ព័ន្ធមួយរបស់ SCG នឹងបញ្ឈប់ការវិនិយោគនៅរោងចក្រគីមីឥន្ធនៈ ឡុង សឺង ក្នុងប្រទេសវៀតណាម នេះឡើយ៕
ដោយ: តែម សុខុម
