តើឧស្សាហកម្មយានយន្តរបស់ចិន មានការប្រែប្រួលយ៉ាងណាក្រោយរងសម្ពាធពន្ធពីលោកខាងលិច?
វិស័យឧស្សាហកម្មយានយន្តរបស់ចិន ដែលកំពុងរងសម្ពាធពន្ធខ្លាំងពីបស្ចិមប្រទេស បានបង្ហាញពីនិន្នាការស្រុតចុះនៅក្នុងឆ្នាំ២០២៤ នេះ។ តែទោះជាយ៉ាងណាក៏ដ…
ការផ្លាស់ប្តូរនិន្នាការដើរលេងកម្សាន្តរបស់ប្រជាជនចិន អាចធ្វើឲ្យនិន្នាការទេសចរណ៍នៅក្នុងតំបន់អាស៊ាន និងពិភពលោកមានការប្រែប្រួល ស្របពេលដែលពលរដ្ឋចិននៅពេលនេះមានទំនោរចំណាយលើការដើរលេងកម្សាន្តក្នុងស្រុកជាជាងចំណាយលុយដើរលេងនៅក្រៅប្រទេសដូចមុន។
បើយោងតាមការចុះផ្សាយរបស់សារព័ត៌មាន ស៊ិនហួរ គ្រាន់តែនៅក្នុងថ្ងៃបុណ្យឈប់សម្រាកធំៗនៅក្នុងប្រទេសប្រចាំឆ្នាំ២០២៤ មានពលរដ្ឋចិនរហូតដល់ទៅ៧៦៥លាននាក់ បានដើរលេងកម្សាន្តនៅក្នុងប្រទេស ពោលគឺមានការកើនឡើងរហូតដល់ទៅជិត៦% ស្របពេលដែលការចំណាយលើការដើរលេងរបស់ភ្ញៀវទេសចរទាំងនេះ មានរហូតដល់ជាង៩៩ពាន់លានដុល្លារ មានការកើនឡើងចំនួន៦,៣%។
សេវាកម្មទេសចរណ៍ដែលពលរដ្ឋចិន កំពុងចាប់អារម្មណ៍បំផុតនោះ គឺទេសចរណ៍បែបវប្បធម៌ប្រពៃណី។ បច្ចុប្បន្នពលរដ្ឋចិ នមានការប្រមូលផ្តុំជាក្រុមៗហើយធ្វើដំណើរកម្សាន្តទៅកាន់ទីតាំងប្រវត្តិសាស្ត្រនានា ក្នុងអំឡុងពេលវិស្សមកាលឆ្នាំ២០២៤ ដោយក្នុងអំឡុងពេលវិស្សមកាលរយៈពេលមួយសប្តាហ៍ថ្មីៗនេះ តម្រូវការសម្រាប់សេវាដឹកជញ្ជូនទៅកាន់តំបន់ទេសចរណ៍ដូចជាទីក្រុងបុរាណ និងទីប្រជុំជនបានកើនឡើង១១១% បើធៀបនឹងអំឡុងពេលមុនថ្ងៃឈប់សម្រាកឆ្នាំមុន។
ទិន្នន័យពីអាជ្ញាធរចិន បានបង្ហាញឱ្យដឹងថា ក្នុងនាមជាប្រទេសដែលសម្បូរដោយកំណប់ទ្រព្យប្រវត្តិសាស្ត្រ និងវប្បធម៌ សារមន្ទីរនានាទូទាំងប្រទេសចិន ទទួលបានការចាប់អារម្មណ៍ខ្លាំងពីប្រជាជនចិន នៅប៉ុន្មានឆ្នាំថ្មីៗនេះ ដោយទទួលបានអ្នកចូលទស្សនាជាង១,២ពាន់លាននាក់ នៅក្នុងឆ្នាំ២០២៣ កន្លងទៅ។ និន្នាការថ្មីៗរបស់អ្នកទេសចរចិននេះ អាចនឹងធ្វើឱ្យប៉ះពាល់ដល់គោលដៅទាក់ទាញភ្ញៀវទេសចរចិន ពីសំណាក់ប្រទេសនានា នៅក្នុងតំបន់ ជាពិសេសគឺថៃ វៀតណាម សិង្ហបុរី រួមទាំងកម្ពុជា ផងដែរ៕
ដោយៈ សរ សុជាតិ
