ក្រសួងកសិកម្មថា ឧករណ៍នេសាទដែលមានរាងដូចព្រួញ ជាឧបករណ៍នេសាទស្របច្បាប់ ដែលកសិករដាក់នេសាទ ដើម្បីចិញ្ចឹមជីវិត
បន្ទាប់ពីមានការផ្សព្វផ្សាយយ៉ាងផុលផុសអំពីការដាក់របាំងសាច់អួន និងលបក្នុងបឹងទន្លេសាប និងមានការចោទប្រកាន់ថា អាជ្ញាធរពាក់ព័ន្ធបណ្តាយឱ្យមានកា…
ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជាបានអះអាងថា រាជរដ្ឋាភិបាលកម្ពុជាបានប្រកាន់ភ្ជាប់នូវគោលជំហរច្បាស់លាស់ក្នុងការស្វាគមន៍ក្រុមហ៊ុន និងវិនិយោគិនបរទេស ដែលមកបណ្តាក់ទុននៅកម្ពុជា។ ទន្ទឹមនេះ ឯកឧត្តម ចង់ឃើញអ្នកវិនិយោគមកពីសហរដ្ឋអាម៉េរិកមកបណ្ដាក់ទុនឱ្យបានច្រើននៅកម្ពុជា ខណៈបច្ចុប្បន្នកម្ពុជាមានសុខសន្តិភាព ស្ថិរភាពនយោបាយ មានម៉ាក្រូសេដ្ឋកិច្ចល្អ មានយុវជនវ័យក្មេងច្រើន និងមានទីតាំងប្រកបដោយសក្ដានុពលខ្ពស់។ បើតាមថ្នាក់ដឹកនាំរូបនេះ រាជរដ្ឋាភិបាលកម្ពុជាមានផែនការមេជាច្រើន ដើម្បីជួយសម្រួលកិច្ចការនានាដល់អ្នកវិនិយោគបរទេស ដែលមកវិនិយោគនៅកម្ពុជា។
តាមរយៈគោលនយោបាយសេដ្ឋកិច្ចនេះ ឯកឧត្តម ស៊ុន ចាន់ថុល រំពឹងថា កម្ពុជានឹងទទួលបានការចាប់អារម្មណ៍ជាបន្តបន្ទាប់ពីអ្នកវិនិយោគបរទេស ពិសេសក្រុមអ្នកវិនិយោគអាម៉េរិកតែម្ដង។ ជាក់ស្ដែងថ្នាក់ដឹកនាំក្រុមហ៊ុន Jones Group International របស់អាម៉េរិក បានមកជួបពិភាក្សាការងារ និងស្វែងយល់ពីគោលជំហររបស់រាជរដ្ឋាភិបាលកម្ពុជា ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តី ដែលមានគោលនយោបាយលើកទឹកចិត្ត ដោយគ្មានការរើសអើងណាមួយនោះទេ។
បើតាមក្រុមប្រឹក្សាអភិវឌ្ឍន៍កម្ពុជា នៅមួយរយៈចុងក្រោយនេះ មានបណ្ដាក្រុមហ៊ុនវិនិយោគធំៗរបស់សហរដ្ឋអាម៉េរិកចំនួន១៧ ដែលវិនិយោគលើផ្នែកចំណីអាហារ ប្រេងឥន្ធនៈ និងឧស្ម័នធម្មជាតិ សេវាកម្មដឹកជញ្ជូន សុខាភិបាល បច្ចេកវិទ្យា និងក្រុមហ៊ុនរថយន្តជាដើម បានចាប់អារម្មណ៍ចំពោះគោលនយោបាយសេដ្ឋកិច្ចរបស់កម្ពុជា៕
អត្ថបទ៖ បូ ដូឡា
None
