របាយការណ៍ដដែល បានឲ្យដឹងថា នៅរយៈពេល ៦ខែមកនេះ សំណង់នៅទូទាំងប្រទេស ដែលត្រូវបានអនុញ្ញាតឲ្យសាងសង់មានចំនួន ២.៥២២ គម្រោង មានផ្ទៃក្រឡាកម្រាលសំណង់សរុបចំនួន ជាង៨,៦ លានម៉ែត្រការ៉េ ដែលមានតម្លៃប៉ាន់ស្មានទុនវិនិយោគប្រមាណ ជាង ៣,៨ ពាន់លានដុល្លារអាមេរិក។ បើធៀបនឹងឆមាសទី ១ឆ្នាំ ២០១៩ មានចំនួន ២.០៤៧ គម្រោង មានផ្ទៃក្រឡាកម្រាលសំណង់សរុប ជាង៣៧ លានម៉ែត្រការ៉េ ដែលមានតម្លៃប៉ាន់ស្មានទុនវិនិយោគជិត ៣,៤ពាន់លានដុល្លារអាមេរិក ពោលគឺកើនឡើង ១៣,២៦%។
របាយការណ៍ក្រសួងដែនដី បានបញ្ជាក់ទៀតថា ចំពោះសំណង់លំនៅដ្ឋានសរុបមានចំនួន ២.០៩៧ គម្រោង មានផ្ទៃក្រឡាកម្រាលសំណង់សរុប ចំនួនជាង ៤,៥លានម៉ែត្រការ៉េ មានទុនវិនិយោគសរុបប្រមាណជិត ១,៨ ពាន់លានដុល្លារអាមេរិក។ ក្នុងនោះ សំណង់បុរីលំនៅដ្ឋាន និងបណ្ដុំលំនៅដ្ឋានលក្ខណៈបុរីនៅទូទាំងប្រទេស គឺមាន ៣៦គម្រោង ស្មើនឹងចំនួនផ្ទះ ៦.៥៦២ខ្នង មានផ្ទៃក្រឡាកម្រាលសំណង់សរុបជាង ១,៨លានម៉ែត្រការ៉េ ដែលមានតម្លៃវិនិយោគប្រមាណជិត ៦៥០ លានដុល្លារអាមេរិក។
អត្ថបទទាក់ទង!
ក្នុងរយៈពេល ឆមាសទី ១ នៃឆ្នាំនេះដែរ គម្រោងអគារខ្ពស់ៗចាប់ពី៥ជាន់ឡើងទៅ មានចំនួន ២១៦គម្រោង ស្មើនឹង២៣៤ អគារ។
ដោយឡែក ចំពោះខេត្តព្រះសីហនុ មានគម្រោងខ្ពស់ៗចាប់ពី ៥ជាន់ឡើងទៅ មានប្រមាណ ៦៧ គម្រោង ស្មើនឹង ៦៩អគារ។
តាមការបញ្ជាក់នៅក្នុងរបាយការណ៍ប្រចាំឆមាសទី១ នៃឆ្នាំ២០២០នេះ ក៏បានឲ្យដឹងថា ក្រសួងដែនដី បានទទួលពាក្យស្នើសុំលិខិតអនុញ្ញាតបើកការដ្ឋានបានចំនួន ៥៣គម្រោង និងបានផ្ដល់លិខិតអនុញ្ញាតឲ្យបើកការដ្ឋានសំណង់ចំនួន ៥៤គម្រោង (គិតចាប់ពីអនុវត្តមដល់ខែមិថុនាឆ្នាំ២០២០ បានផ្ដល់ចំនួន ១.៩៥៤គម្រោង)។ រីឯ ការទទួលបានពាក្យស្នើសុំលិខិតអនុញ្ញាតបិទការដ្ឋានបានចំនួន ៥៤គម្រោង និងបានផ្ដល់លិខិតអនុញ្ញាតបិទការដ្ឋានសំណង់បានចំនួន ៣៧គម្រោង (គិតចាប់តាំងពីអនុវត្តមកដល់ខែមិថុនាឆ្នាំ២០២០ បានផ្ដល់ចំនួន ៧៦៧គម្រោង) និងបានផ្ដល់លិខិតអនុញ្ញាតជួសជុលចំនួន ៨គម្រោង (គិតចាប់តាំងពីអនុវត្តមកដល់ខែមិថុនាឆ្នាំ២០២០ មានចំនួន ១៩៥ គម្រោង)។
បើតាមរបាយការណ៍ គិតចាប់ពីឆ្នាំ២០០០ រហូតដល់មកដល់ខែមិថុនា ឆ្នាំ២០២០នេះ សំណង់នៅទូទាំងប្រទេសដែលក្រសួងដែនដី បានចេញលិខិតអនុញ្ញាតសាងសង់មានចំនួន ៥០.៩៦៨ គម្រោង ដែលមានផ្ទៃក្រឡាកម្រាលសំណង់សរុប ជាង១៤៥ លានម៉ែត្រការ៉េ និងតម្លៃទុនវិនិយោគសរុបប្រមាណ ៥៧ពាន់លានដុល្លារអាមេរិក ខណៈដែល អគារខ្ពស់ៗចាប់ពី ៥ជាន់ឡើងទៅវិញ មានដល់ទៅ១.៩៤៥ អគារ។ រីឯ បុរីលំនៅដ្ឋាន និងបណ្ដុំលំនៅដ្ឋាន មានលក្ខណៈបុរីចាប់ពីឆ្នាំ២០០៣ ដល់ខែមិថុនាឆ្នាំ២០២០នេះ គឺមានចំនួន ៣៤៨ គម្រោង៕
None
