តើមានកត្តាអ្វីខ្លះធ្វើឱ្យមានការព្យាករថា វិស័យកសិកម្មថៃនឹងមានការកើនឡើងខ្លាំងនៅឆ្នាំ២០២៥?
វិស័យកសិកម្មរបស់ប្រទេសថៃ ដែលមានសេដ្ឋកិច្ចធំបំផុតទីពីរនៅអាស៊ាន និងជាអ្នកភូមិផងរបងជាមួយកម្ពុជា ត្រូវបានព្យាករថា នឹងសម្រេចបានកំណើនខ្ពស់ចន្…
របាយការណ៍ស៊ើបអង្កេតអំពើពុករលួយមួយបានរកឃើញថា រដ្ឋាភិបាលឡាវ ដែលជាអ្នកភូមិផងរបងជាមួយកម្ពុជា កំពុងជួបបញ្ហាក្នុងការគ្រប់គ្រង និងប្រើប្រាស់ថវិកាជាតិ។ ភាពកម្សោយលើគ្រប់គ្រងថវិកានេះបានធ្វើឱ្យរដ្ឋាភិបាលឡាវ បាត់ថវិកាអស់ជាង២លានដុល្លារ នៅឆ្នាំ២០២៤ នេះ ហើយការបាត់ថវិកានេះត្រូវបានការិយាល័យសវនកម្មរបស់ឡាវ រកឃើញថា បានជាប់ពាក់ព័ន្ធនឹងករណីរំលោភអំណាច ការលក់ដីខុសច្បាប់ និងការបែងចែកដីរដ្ឋមិនបានត្រឹមត្រូវចំនួន៣១ករណី។ តាមរយៈការស៊ើបអង្កេតអំពើពុករលួយនេះ បានធ្វើឱ្យបុគ្គលចំនួន៣នាក់ ត្រូវបានផ្តន្ទាទោស និងដាក់ពិន័យរាប់ចាប់ពីការបណ្តេញចេញពីអំណាចរហូតដល់ការផ្លាស់ប្ដូរអំណាច។
របាយការណ៍ដដែលនេះ បានកំណត់កត្តាមួយចំនួន ដែលធ្វើឱ្យរដ្ឋាភិបាលឡាវ បាត់ថវិកាដូចជាការអនុវត្តច្បាប់នៅមានភាពកម្សោយ ខ្វះកិច្ចសហប្រតិបត្តិការនៅក្នុងចំណោមអង្គភាពថវិកា និងការពន្យារពេលក្នុងការកែសម្រួលចំណូល និងចំណាយដោយសារការខ្វែងគំនិតគ្នា។
តាមរយៈបញ្ហានេះ បានបង្ហាញឱ្យឃើញពីគម្លាតនៃការត្រួតពិនិត្យហិរញ្ញវត្ថុ និងគណនេយ្យភាពរបស់រដ្ឋាភិបាលឡាវ ហើយឆ្លើយតបនឹងបញ្ហានេះ អាជ្ញាធរសវនកម្មរដ្ឋរបស់ឡាវ បានកំណត់គោលដៅចំនួន១៨ សម្រាប់ឆ្នាំ២០២៥ ដូចជាធ្វើសវនកម្មថវិការដ្ឋ សហគ្រាស និងគម្រោងវិនិយោគរដ្ឋ ដើម្បីដោះស្រាយគម្លាតជាក់ស្ដែងមួយចំនួន។
យ៉ាងណាក៏ដោយ សភាប្រជាជនឡាវ បានបង្ហាញរបាយការណ៍មួយដ៏គួរឱ្យភ្ញាក់ផ្អើល ដោយអះអាងថា ប្រទេសក្បែរខាងកម្ពុជា មួយនេះ សម្រេចបានកំណើនសេដ្ឋកិច្ចដ៏ខ្លាំងក្លាជិត៦% នៅក្នុងឆ្នាំ២០២៤ នេះ ដោយបានកើនលើសគោលដៅកំណត់របស់រដ្ឋសភាចំនួន០.៣០%៕
អត្ថបទ៖ សុខ មង្គល
