ក្នុងចំណោមអ្នកជំងឺកូវីដ-១៩ទាំង៧៣នាក់ មាន៧១នាក់ត្រូវបានរកឃើញពាក់ព័ន្ធព្រឹត្តិការណ៍សហគមន៍២០កុម្ភៈ ខណៈពីរនាក់ទៀតជាអ្នកដំណើរមកពីប្រទេសឥណ្ឌូនេស៊ី។ អ្វីដែលគួរឲ្យកត់សម្គាល់ក្នុងចំណោមអ្នកឆ្លងថ្មីទាំង៧៣នាក់នោះ ខេត្តព្រះសីហនុបានរកឃើញករណីឆ្លង ច្រើនជាងគេរហូតដល់៣២ករណី ខណៈរាជធានីភ្នំពេញឈរលំដាប់ទីពីរមានអ្នកឆ្លងចំនួន២៨នាក់ ខេត្តកំពង់ធំ៥នាក់ កណ្តាល៣នាក់ សៀមរាប១នាក់ ព្រៃវេង១នាក់ ខេត្តកែប១នាក់ និងពីរនាក់ទៀតជាស្ត្រីអ្នកដំណើរជនជាតិឥណ្ឌូនេស៊ី។
អត្ថបទទាក់ទង!
ក្រសួងសុខាបាលបានបញ្ជាក់ថា អ្នកជំងឺកូវីដ-១៩ ចំនួន២១នាក់ ក្នុងចំណោមអ្នកឆ្លងទាំង២៨នាក់នៅរាជធានីភ្នំពេញ មិនទាន់មានកន្លែងសម្រាប់សម្រាកព្យាបាលនៅឡើយទេ ខណៈក្រសួងកំពុងស្វែងរកទីតាំង ដើម្បីដាក់អ្នកជំងឺទាំងនេះ។ នៅថ្ងៃនេះដែរ ក្រសួង ក៏បានប្រកាសពីការព្យាបាលជាសះស្បើយចំនួន១៧នាក់ផងដែរ ដោយពួកគេសុទ្ធសឹងជាអ្នកពាក់ព័ន្ធព្រឹត្តិការណ៍២០កុម្ភៈ។
គិតត្រឹមព្រឹកថ្ងៃទី២២ មីនា កម្ពុជារកឃើញអ្នកឆ្លងជំងឺកូវីដ-១៩ សរុបចំនួន១.៧៥៣នាក់, អ្នកជាសះស្បើយចំនួន៩៦៧នាក់, ស្លាប់៣នាក់ និង៧៨១នាក់កំពុងសម្រាកព្យាបាល៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
