ទៅដល់ស្រុកវាលវែង ក៏មានសេវាធនាគារប្រើដែរ !
ស្រុកវាលវែង ស្ថិតនៅចម្ងាយជាង ១០០គីឡូម៉ែត្រ ពីក្រុងពោធិ៍សាត់ ខេត្តពោធិ៍សាត់ ដោយធ្វើដំណើរតាមផ្លូវជាតិលេខ ៥៥ ។ ថ្វីត្បិតតែដាច់ស្…
លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា បានប្រាប់ក្រុមការងារសារព័ត៌មាន ឌីជីថល ខេមបូណូមីស តាមប្រព័ន្ធតេឡេក្រាមថា ការផ្ទុះព្រឹត្តិការណ៍សហគមន៍ បានធ្វើឲ្យ លោកមានការព្រួយបារម្ភ ប៉ុន្តែទោះយ៉ាងណាលោកបណ្ឌិត បានបង្ហាញពីការជឿជាក់និងទុកចិត្តលើរដ្ឋាភិបាល ក្នុងការគ្រប់គ្រងស្ថានភាពនេះយ៉ាងមានប្រសិទ្ធភាព និងស្ដារស្ថានការណ៍ឲ្យមានវិលមកប្រសើរឡើងវិញ។
លោកបណ្ឌិត អ៊ិន ចាន់នី បានបន្តថា ធនាគារអេស៊ីលីដា នៅតែបន្តគាំទ្រ និងបំពេញតម្រូវការរបស់អតិថិជនដដែល ដោយលោកបានអះអាងថា ក្នុងរយៈពេលពីរខែដំបូង គឺពីខែមករាដល់ខែកុម្ភៈឥណទាននៅតែបន្តកើនឡើងដូចធម្មតា។
ជុំវិញនឹងបញ្ហានេះដែរ លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជាក៏បង្ហាញពីការព្រួយបារម្ភខ្លាំងដែរ ប៉ុន្តែមិនមែនព្រួយបារម្ភពីវិស័យទាំងមូលទេ គឺព្រួយបារម្ភពីសុខមាលភាពអតិថិជន។ លោកព្រួយបារម្ភ ជាពិសេសការបាត់បង់ប្រាក់ចំណូលរបស់អតិថិជន បានបញ្ជាក់ថា សមាជិកនៃសមាគម នៅតែបន្តអនុវត្តរៀបចំឥណទានឡើងវិញ និងជួយដោះស្រាយបញ្ហាដល់អតិថិជនអំឡុងពេលដ៏លំបាកនេះ។
យ៉ាងណាមិញ អ្នកជំនាញក្នុងវិស័យធនាគារ និងហិរញ្ញវត្ថុ រំពឹងថា ព្រឹត្តិការណ៍សហគមន៍២០កុម្ភៈ នឹងឆាប់បិទបញ្ចប់ ក្នុងពេលឆាប់ៗនេះ ជៀសវាងការអូសបន្លាយយូរពេក ដែលអាចនឹងធ្វើឲ្យសុខភាពវិស័យធនាគារ និងហិរញ្ញជួបបញ្ហា។
សូមបញ្ជាក់ថា ការឆ្លងចូលសហគមន៍ នៃព្រឹត្តិការណ៍សហគមន៍លើកនេះ ហាក់មានសភាពធ្ងន់ធ្ងរជាង ព្រឹត្តិការណ៍សហគមន៍២លើកមុនៗ ដោយការរីករាលដាលឆ្លងក្នុងសហគមន៍បានកើនឡើងយ៉ាងខ្លាំងនៅក្នុងរយៈពេលប៉ុន្មានថ្ងៃនេះ ដែលបានបង្កជាក្តីបារម្ភយ៉ាងខ្លាំងពីសំណាក់សាធារណជន ជាពិសេសក៏បានបង្កឲ្យមានផលប៉ះពាល់ដល់ការធ្វើអាជីវកម្មជាច្រើនផងដែរ៕
None
