Advertisement
ទំនាក់ទំនង​កម្ពុជា-អាមេរិក

លោក ផៃ ស៊ីផាន៖ មន្រ្តី​ទូត​អាមេរិក​វេច​អីវ៉ាន់​ចេញ​ទៅ បើ​មិន​ពេញ​ចិត្ត​ស្រុក​ខ្មែរ


រដ្ឋាភិបាល​កម្ពុជា នៅ​ថ្ងៃ​ព្រហស្បតិ៍ ទី១ ខែ​សីហា​នេះ បាន​សំណូមពរ​ឲ្យ​មន្រ្តី​ស្ថានទូត​អាមេរិក​គួរតែ​វេច​បង្វេច ចាក​ចេញ​ទៅ បើ​សិន​ជា​មិន​ពេញ​ចិត្ត​នឹង​កម្ពុជា​នោះ​ទេ។
លោក ផៃ ស៊ីផាន អ្នកនាំពាក្យ​រាជរដ្ឋាភិបាល​កម្ពុជា។ រូបថត ដោយ ហេង ភារម្យ
ដោយ
Advertisement

ថ្លែង​ក្នុង​សន្និសីទ​សារព័ត៌មាន អ្នក​នាំ​ពាក្យ​រដ្ឋាភិបាល លោក ផៃ ស៊ីផាន បាន​និយាយ​ថា ស្ថានទូត​អាមេរិក​អត់ទាន់​មាន​វត្តមាន​ឯកអគ្គរដ្ឋទូត​នៅ​ឡើយ​ ដូច្នេះ ពិបាក​នឹង​ធ្វើការ​ជាមួយ​គ្នា ហើយ​បាន​ហៅ​មន្រ្តី​ទាំង​នោះ​ជា «មនុស្ស​ព្រៃ​ក្នុង​ការ​ញុះញង់។»

លោក ផៃ ស៊ីផាន បាន​និយាយ​ដូច្នេះថា ៖ «មន្រ្តី​ដែល​នៅ​ក្នុង​ស្ថានទូត​ដែល​ប្រើប្រាស់​នូវ​លក្ខណៈ​ព្រៃផ្សៃ​គួរតែ​បញ្ចប់។ បាទ! នេះ​ជា​សំណូមពរ​របស់​យើង។ ថ្វី​ត្បិត​យើង​នៅតែ​ជា​មិត្ត​ជាមួយគ្នា​ហើយ បើ​មន្រ្តី​នោះ​មិន​ពេញ​ចិត្ត​ស្រុក​ខ្មែរ វេច​អីវ៉ាន់​ចេញ​ទៅ​វិញ​ទៅ យើង​អត់​ស្វាគមន៍​ទេ យើង​និយាយ​ច្បាស់។»

លោក ផៃ ស៊ីផាន ក៏​បាន​ដកស្រង់​សម្ដី​​លោក​ប្រធានាធិបតី​អាមេរិក លោក ដូណាល់ ត្រាំ ដែល​បាន​និយាយ​វាយ​ប្រហារ​សមាជិក​សភា​អាមេរិក ៤​នាក់ ឲ្យ​ទៅ​ទីកន្លែង​ដើម​វិញ បើ​សិន​ជា​មិន​ពេញ​ចិត្ត​នឹង​សហរដ្ឋ​អាមេរិក​នោះ​ទេ។

លោក ផៃ ស៊ីផាន បាន​និយាយ​បន្ត​ដូច្នេះ​ថា​ «បើ​សិន​ជា​យើង​អាច​មាន​សិទ្ធិ​និយាយ​ដូច​លោក​ប្រធានាធិបតី ដូណាល់ ត្រាំ, if you don’t like it, leave it, very simple។ នេះ​ជា​ប្រទេស​ខ្មែរ អា​នេះ​និយាយ​ឲ្យ​ច្បាស់ គោល​ជំហរ​ហ្នឹង។»

ការវាយ​បក​របស់​លោក ផៃ ស៊ីផាន បាន​កើត​ឡើង​បន្ទាប់​ពី​មាន​ការរិះគន់​របស់​ស្ថានទូត​អាមេរិក លើ​ការ​បោះឆ្នោត​ឆ្នាំ​មុន​ថា «មាន​កំហុស​ឆ្គង​យ៉ាង​ខ្លាំង​នៅ​កម្ពុជា។ ការ​បោះឆ្នោត​នោះ មិន​មាន​ភាព​សេរី និង​យុត្តិធម៌​ទេ ហើយ​ក៏​មិន​បាន​តំណាង​ឲ្យ​ឆន្ទៈ​របស់​ប្រជាពលរដ្ឋ​កម្ពុជា​ទេ។»

តាមរយៈ​ទំព័រ​ហ្វេសប៊ុក​ផ្លូវការ​របស់​ខ្លួន ស្ថានទូត​អាមេរិក​ក៏​បាន​សូម​អំពាវនាវ​ឲ្យ​រដ្ឋាភិបាល​កម្ពុជា​ចាត់​វិធានការ​ជាក់​ស្តែង​នានា ក្នុង​ការ​ស្តារ​លទ្ធិប្រជាធិបតេយ្យ រួមទាំង​ធ្វើការ​ទម្លាក់​បទ​ចោទ​ប្រកាន់​ទាំង​ឡាយ ប្រឆាំង​លោក កឹម សុខា និង​អ្នកទោស​នយោបាយ​ដទៃ​ទៀត ដើម្បី​បញ្ចប់​ការ​អនុវត្ត​នូវ​ការ​ចោទ​ប្រកាន់​ដោយ​គ្មាន​មូលដ្ឋាន និង​ក្រោម​ហេតុផល​នយោបាយ។

ស្ថានទូត​អាមេរិក បាន​និយាយ​ដូច្នេះ​ថា ៖ «ប្រជាពលរដ្ឋ​ទាំង​អស់ នៅកម្ពុជា គួរតែ​អាច​ប្រើ​សិទ្ធិ​របស់​គេ​ក្នុង​ការ​សម្តែង​មតិ ដោយ​សេរី និង​អាច​ធ្វើការ​ប្រមូល​ផ្តុំ​គ្នា​ដោយ​សន្តិវិធី ហើយ​ឲ្យ​ពលរដ្ឋ​ចូលរួម​នៅ​ក្នុង​ដំណើរការ​កិច្ចការ​សាធារណៈ»៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


មជ្ឈមណ្ឌលបច្ចេកវិទ្យាថ្មីមួយ នឹងបើកដំណើរការនៅកម្ពុជា ដើម្បីជំរុញដល់សេដ្ឋកិច្ចឌីជីថល

ព័ត៌មាន
រាជរដ្ឋាភិបាលកម្ពុជា បាននិងកំពុងយកចិត្តទុក និងជំរុញយ៉ាងខ្លាំង ក្នុងការកសាងនូវវឌ្ឍនភាពសេដ្ឋកិច្ចរបស់កម្ពុជា ដោយតម្រង់ឆ្ពោះទៅរកសេដ្ឋកិច្ច...

វៀតណាមមានអតិរេកពាណិជ្ជកម្មជិត ២ពាន់លានដុល្លារអាមេរិក នៅ៧ខែ ឆ្នាំនេះ

ព័ត៌មាន
នៅរយៈពេល ៧ខែ ឆ្នាំ២០១៩នេះ អតិរេកពាណិជ្ជកម្មរបស់វៀតណាម ឬហៅថាការនាំចេញមានលើសការនាំចូលនោះ សម្រេចបានក្នុងទំហំទឹកប្រាក់ប្រមាណជិត ២ពាន់...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ