បុគ្គលិកដែលមានតំណែងជាអ្នកគ្រប់គ្រងថ្នាក់កណ្ដាលៗ នឹងត្រូវកាត់ប្រាក់ខែពី ២០ ទៅ៣០%។ នេះបើតាមការអះអាងរបស់លោក Duong Tri Thanh ដែលជានាយកប្រតិបត្តិកក្រុមហ៊ុនអាកាសចរណ៍ Vietnam Airlines នៅក្នុសារព័ត៌មាន VN Express។
លោក Thanh បានគូសបញ្ជាក់ថា ផលប៉ះពាល់នៃមេរោគនេះ គឺមិនធ្លាប់មានពីមុនមកទេ នៅក្នុងប្រវត្តិសាស្ត្រនៃវិស័យអាកាសចរណ៍វៀតណាម។
ក្រុមហ៊ុន Vietnam Airlines រំពឹងថា ចំនួនអ្នកដំណើរ នឹងធ្លាក់ចុះ ២,៥លាននាក់នៅឆ្នាំនេះ ដែលគិតជាប្រាក់ចំណូលគឺមានប្រមាណ ៥១៩ លានដុល្លារអាមេរិក។ បន្ថែមជាមួយនឹងការធ្លាក់ចុះខ្លាំងនៃចំនួនភ្ញៀវទេសចរចិន ក្រុមហ៊ុនអាកាសចរណ៍មួយនេះ ក៏នឹងត្រូវប្រឈមផងដែរ នូវការធ្លាក់ចុះចំនួនអ្នកដំណើរ តាមជើងហោះហើរអន្តរជាតិ និងក្នុងស្រុក។ ហើយក្រុមហ៊ុននេះ ធ្លាប់បានអះអាងថា មានការបាត់បង់ចំណូលចន្លោះពី ៨,៦ ទៅ១០,៨ លានដុល្លារអាមេរិកក្នុងមួយសប្ដាហ៍ ក្រោយពីមានការព្យួរជើងហោះហើរជាមួយនឹងប្រទេសចិន។
អត្ថបទទាក់ទង!
ក្រុមហ៊ុន Vietnam Airlines ក៏បានកាត់ចោលជើងហោះហើរជាច្រើនទៅកាន់ទីក្រុងសេអ៊ូល និងប៊ូសាន នៃប្រទេសកូរ៉េខាងត្បូងផងដែរ ខណៈដែលបញ្ហាមេរោគ កំពុងវាយប្រហារខ្លាំងលើប្រទេសមួយនេះ។
លោក Thanh បានបញ្ជាក់ថា ការលុបចោលជើងហោះហើរ មានន័យថា គឺស្មើនឹងយន្ដហោះ ៤០គ្រឿង ឬ ៤០% នៃចំនួនយន្ដហោះសរុប គឺចតចោលមិនដំណើរការហោះហើរនោះទេ ឥឡូវនេះ។ បញ្ហាផ្ទុះរីករាលដាលនៃវីរុស Covid-19 នេះ ត្រូវបានអាជ្ញាធរអាកាសចរស៊ីវិលវៀតណាមប៉ាន់ប្រមាណថា នឹងធ្វើឲ្យវិស័យអាកាសចរណ៍របស់វៀតណាម នឹងត្រូវខាតបង់ចំណូលប្រមាណជា ១,០៨ ពាន់លានដុល្លារអាមេរិក នៅឆ្នាំនេះ។
ប្រទេសវៀតណាម បានព្យួរជើងហោះហើរចូលមកប្រទេសខ្លួនទាំងអស់ មកពីតំបន់ដែលផ្ទុះរាលដាលនៃវីរុស Covid-19 បន្ទាប់ពីមានការរកឃើញថា នៅប្រទេសកូរ៉ូខាងត្បូង ជប៉ុន អ៊ីតាលី និងអឺរ៉ង់ មានករណីឆ្លងមេរោគនេះ កាន់តែច្រើនឡើង៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
