សម្តេច ហ៊ុន សែន អះអាងដូច្នេះ នៅក្នុងឱកាស សម្តេច អញ្ជើញជាអធិបតីក្នុងកិច្ចប្រជុំបូកសរុបការងាររបស់ «ក្រុមប្រឹក្សាជាតិកម្ពុជាដើម្បីស្ត្រី»កាលពីថ្ងៃទី ១៧ ខែកុម្ភៈ ឆ្នាំ២០២០។
បន្ថែមពីនេះទៀត នាយករដ្ឋមន្ត្រីកម្ពុជា ក៏បានបញ្ជាឲ្យក្រសួងមហាផ្ទៃ ធ្វើការងារក្នុងបទល្មើសបច្ចេកវិទ្យាដើម្បីពិនិត្យមើល និងចាត់វិធានការរាល់វីដេអូអាសអាភាសរបស់ស្ត្រីខ្មែរមួយចំនួន ដែលបានថត និងបែកធ្លាយដោយខ្លួនឯង ដែលមានតាមវេបសាយមួយចំនួន ព្រោះនេះ ពិតជាមានការប៉ះពាល់យ៉ាងខ្លាំងដល់កិត្តិយស និងសីលធម៌របស់ស្ត្រីខ្មែរ ហើយណាមួយកម្ពុជាក៏គ្មានច្បាប់ឲ្យធ្វើបែបនោះឡើយ។
អត្ថបទទាក់ទង!
បើតាម សម្តេច ហ៊ុន សែន បច្ចុប្បន្ន ស្ត្រីបានចូលរួមចំណែកក្នុងកិច្ចការងារជាច្រើនក្នុងវិស័យផ្សេងៗ ដូចជាវិស័យសុខាភិបាល, វិស័យសេវាកម្ម ដូចជាធនាគា សណ្ឋាគារ, ភោជនីដ្ឋាន និងគ្រូបង្រៀន រួមទាំងវិស័យយោធាផងដែរ។
លើសពីនេះទៀត សម្តេចនាយករដ្ឋមន្ត្រីបានជំរុញឲ្យមានការបង្កើនសមត្ថភាពមន្ត្រីរាជការស៊ីវិល ជាស្ត្រីតាមការបណ្តុះបណ្តាលសមត្ថភាព ដើម្បីឲ្យស្ត្រីបានកាន់តួនាទីផ្សេងៗក្នុងក្រសួងស្ថាប័ន ដើម្បីឲ្យចំនួនស្ត្រីមានការកើនឡើងជាបន្តបន្ទាប់ទៀត៕
None
