តាមរយៈសារសំឡេងពិសេសនេះ នាយករដ្ឋមន្ត្រីកម្ពុជាបានលើកឡើងថា «ការបិទស្ថាប័នជាបណ្ដោះអាសន្ននេះ មិនមែនជាការបិទទាំងស្រុងទេ ក៏ប៉ុន្តែសូមឲ្យកាត់បន្ថយចំនួនមនុស្សយ៉ាងតិច ៩០ភាគរយ ហើយមានមនុស្ស ១ចំនួនតូចប៉ុណ្ណោះ ដែលនៅប្រចាំការធ្វើការនៅតាមស្ថាប័ន»។
សម្តេច ហ៊ុន សែន បានគូសបញ្ជាក់ទៀតថា នៅពេលនេះ ពិតជាច្របូកច្របល់ខ្លាំងណាស់ ព្រោះមានការឆ្លងនៅក្នុងក្របខណ្ឌនគរបាល មន្ត្រីរាជការ រហូតដល់សិល្បៈករសិល្បៈការិនីផងដែរ។
នាយករដ្ឋមន្ត្រីកម្ពុជាបានបន្ថែមថា សម្រាប់វិស័យឯកជនវិញ សម្តេចអំពាវនាវឲ្យមានការយោគយល់ សូមធ្វើការកាត់បន្ថយចំនួនមនុស្សមកធ្វើការ ពោលគឺឲ្យបុគ្គលិកធ្វើការពីផ្ទះ ឬផ្លាស់ប្ដូរវេនគ្នាធ្វើការ ដើម្បីជៀសវាងការមកធ្វើការជុំគ្នាមនុស្សច្រើន។
