លោកស្រី ស្រ៊ី ម៉ូលីយ៉ានី រដ្ឋមន្ត្រីក្រសួងហិរញ្ញវត្ថុឥណ្ឌូនេស៊ី បាននិយាយថា ប្រជាជននៅក្នុងផ្នែកទាំងអស់នៃសង្គម គឺរងការប៉ះពាល់ដោយសារតែការផ្ទុះរាលដាលនៃកូវីដ-១៩ ហើយតួនាទី នៃគោលនយោបាយសារពើរពន្ធរួមជាមួយនឹងមធ្យោបាយដទៃទៀតដូចជាគោលនយោបាយរូបិយវត្ថុ គឺពិតជាមានសារសំខាន់ខ្លាំងណាស់នៅអំឡុងពេលដ៏លំបាកនេះ។
ប្រទេសឥណ្ឌូនេស៊ី ត្រូវបានរាយការណ៍ថា មានចំនួនអ្នកឆ្លង និងបាត់បង់ជីវិតដោយសារកូវីដ-១៩ ច្រើនជាងគេបង្អស់នៅក្នុងតំបន់អាស៊ីអាគ្នេយ៍នេះ ដោយករណីឆ្លងសរុបនៅក្នុងប្រទេសឥណ្ឌូនេស៊ីគិតត្រឹមថ្ងៃពុធ ទី១១ ខែវិច្ឆិកា មានដល់ទៅជិត៤៥ម៉ឺននាក់ហើយ និងអ្នកស្លាប់វិញមានជិត១ម៉ឺន៥ពាន់នាក់។
អត្ថបទទាក់ទង!
សូមបញ្ជាក់ដែរថា តាមទិន្នន័យពីស្ថាប័នជំនាញបានឲ្យដឹងថាគិតមកទល់ថ្ងៃទី ១២ ខែវិច្ឆិកា ឆ្នាំ២០២០ ចំនួនអ្នកឆ្លងមេរោគកូវីដ-១៩ នៅទូទាំងពិភពលោកបានកើនឡើងដល់ទៅជាង ៥២លាននាក់ហើយ ខណៈដែលចំនួនអ្នកស្លាប់មានជាង១លាននាក់ និងអ្នកដែលបានជាសះស្បើយមានជាង៣៦លាននាក់។
សហរដ្ឋអាមេរិកតែជាប្រទេសដែលនាំមុខ ដែលមានអ្នកឆ្លងសរុបដល់ទៅជាង១០លាននាក់ បន្ទាប់មកគឺប្រទេសឥណ្ឌាជាង ៨លាននាក់ ប្រេស៊ីលមានជិត៦លាននាក់ និងបារាំងមានជិត២លាននាក់៕
None
