ជប៉ុននឹងបង្កើនការជ្រើសរើសពលករជំនាញពីបរទេស ដើម្បីបំពេញតម្រូវដែលកំពុងខ្វះខាត
ប្រទេសជប៉ុន ដែលទើបជ្រុះបាត់តំណែងជាមហាអំណាចសេដ្ឋកិច្ចធំបំផុតទី៣ របស់ពិភពលោកកាលពីពេលថ្មីៗ នឹងបង្កើនការបើកចំហរទ្វារទទួលពលករជំនាញបរទេសរ…
រូបិយប័ណ្ណឌីជីថល Bitcoin បានហក់ឡើងថ្លៃរហូតដល់ទៅ៥០% នៅក្នុងឆ្នាំ២០២៤ នេះ ហើយកត្តាសំខាន់បំផុតដែលនាំឱ្យវាហក់ឡើងថ្លៃខ្លាំងបែបនេះ គឺដោយសារសន្ទុះកំណើននៃរំហូរវិនិយោគលើមូលនិធិជួញដូររូបិយប័ណ្ណឌីជីថល Bitcoin ETF ដែលបានចុះបញ្ជីនៅសហរដ្ឋអាម៉េរិក។ និយ័តករមូលបត្រអាម៉េរិក បានអនុម័តទទួលស្គាល់មូលនិធិជួញដូររូបិយប័ណ្ណឌីជីថល Bitcoin ETF អំឡុងខែមករា ដើមឆ្នាំ២០២៤ នេះ ហើយការអនុម័តនេះហើយជាកត្តាសំខាន់បំផុត ដែលបានបើកផ្លូវសម្រាប់អ្នកវិនិយោគធំៗថ្មីៗចាប់ផ្ដើមសម្រុកវិនិយោគលើ Bitcoin ដែលជំរុញឱ្យវាហក់ឡើងថ្លៃស្រឺតៗជិតឈានដល់កម្រិតកំណត់ត្រាចាស់ជាប្រវត្តិសាស្ត្រក្នុងឆ្នាំ២០២១ របស់ខ្លួនបែបនេះ។
លោក ម៉ាឃើស ធីលែន (Markus Thielen) ប្រធានផ្នែកស្រាវជ្រាវនៅក្រុមហ៊ុនវិភាគរូបិយប័ណ្ណគ្រីបតូមួយមានមូលដ្ឋាននៅប្រទេសសិង្ហបុរី បាននិយាយថា រំហូរវិនិយោគលើ Bitcoin គឺមិនរីងស្ងួតទេ ខណៈដែលអ្នកវិនិយោគមានទំនុកចិត្តកាន់តែខ្លាំងថា តម្លៃរបស់ Bitcoin នឹងបន្តហក់ឡើងកាន់តែខ្ពស់។
យោងតាមទិន្នន័យរបស់ក្រុមហ៊ុនមូលបត្រ និងហិញ្ញវត្ថុរបស់អង់គ្លេស London Stock Exchange Group (LSEG) បានបង្ហាញថា រំហូរវិនិយោគសុទ្ធលើមូលនិធិជួញដូររូបិយប័ណ្ណឌីជីថល Bitcoin ETF ធំបំផុតចំនួន១០ នៅសហរដ្ឋអាម៉េរិក បានឈានដល់ជាង២ពាន់លានដុល្លារ ក្នុងសប្ដាហ៍គិតត្រឹមថ្ងៃទី១ ខែមីនា ឆ្នាំនេះ។
យោងតាមការចុះផ្សាយរបស់សារព័ត៌មាន Euro News កាលពីថ្ងៃចន្ទ ទី៤ ខែមីនា ឱ្យដឹងថា មូលធនទីផ្សាររបស់រូបិយប័ណ្ណឌីជីថល ឬគ្រីបតូទាំងមូលបានកើនឡើងឈានដល់ជាង២,៤ទ្រីលានដុល្លារ។ ការហក់ឡើងថ្លៃស្រឺតៗនៃរូបិយប័ណ្ណឌីជីថល Bitcoin នេះ កើតមានឡើងស្របពេលសន្ទស្សន៍ផ្សារហ៊ុននានាដាំក្បាលចុះរាប់ចាប់ពីសន្ទស្សន៍ផ្សារហ៊ុន Nikkei របស់ប្រទេសជប៉ុន រហូតដល់សន្ទស្សន៍ផ្សារហ៊ុនធំៗរបស់សហរដ្ឋអាម៉េរិក រួមមានផ្សារហ៊ុន S&P 500 និងផ្សារហ៊ុន Nasdaq ជាដើម៕
ដោយ: តែម សុខុម
None
