ក្រុមហ៊ុន Kirin Holdings Company, Limited ដែលបានវិនិយោគរាប់រយលានដុល្លារនៅមីយ៉ាម៉ា បានបញ្ជាក់ថ្មីៗនេះថា ក្រុមហ៊ុនមានការព្រួយបារម្ភចំពោះអ្វីដែលបានកើតឡើងនៅមីយ៉ាន់ម៉ា ហើយក្រុមហ៊ុនបានសម្រេចថា នឹងឈប់សហការបណ្តាក់ទុនក្នុងប្រទេសមីយ៉ាន់ម៉ាចាប់ពីពេលនេះតទៅ ដោយសារតែអំពើរដ្ឋប្រហារដូចនេះ គឺផ្ទុយនឹងគោលការណ៍គោរពសិទ្ធិមនុស្សរបស់ក្រុមហ៊ុន។
ជាមួយគ្នានឹងបញ្ហានេះ ត្រូវបានសេដ្ឋវិទូមីយ៉ានម៉ាមើលឃើញ និងសម្តែងការព្រួយបារម្ភថានឹងមានក្រុមហ៊ុនច្រើនទៀតអាចនឹងឈប់ ឬផ្អាកការបណ្តាក់ទុននៅមីយ៉ាន់ម៉ា មិនថាក្រុមហ៊ុនជប៉ុន ឬក្រុមហ៊ុនរបស់ប្រទេសផ្សេងៗនោះទេ។
អត្ថបទទាក់ទង
ជាក់ស្តែង កាលពីពេលថ្មីៗនេះ ក្រោយកើតមានរដ្ឋប្រហារ ក្រុមហ៊ុនអភិវឌ្ឍន៍ឧស្សាហកម្មអចលនទ្រព្យដ៏ធំបំផុតមួយរបស់ថៃ ក៏បានផ្អាកការងារអភិវឌ្ឍន៍រគម្រោងវិនិយោគតម្លៃ ១ពាន់លានដុល្លារនៅមីយ៉ាន់ម៉ាដែរ។
គួររំឭកថា ជប៉ុនជាវិនិយោគបរទេសធំជាងគេនៅមីយ៉ាន់ម៉ា បច្ចុប្បន្នមានក្រុមហ៊ុនជប៉ុនជាង៤០០ក្រុមហ៊ុនបាននិងកំពុង ធ្វើការវិនិយោគ ដែលចំនួននេះមានការកើនឡើងជាលំដាប់តាំងពីពេល ដែលមីយ៉ាន់ផ្តើមមានដុះពន្លកប្រជាធិបតេយ្យកាលពីឆ្នាំ ២០២០កន្លងទៅ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
