ប្រការដែលថៃត្រូវការរយៈពេលដល់ទៅ ៣ខែ ដើម្បីសម្រេចចិត្តដូចនេះ ត្រូវបានអ្នកជំនាញថៃអះអាងថា ព្រោះតែព្រួយបារម្ភមានផ្នែកណាមួយ នៃកិច្ចព្រមព្រៀង CP TPPនេះអាចនឹងជះឥទ្ធិពលអាក្រក់ដល់វិស័យកសិកម្ម និងសុខាភិបាលថៃ។
ជះឥទ្ធិពលអាក្រក់ គឺនៅត្រង់ថា នៅពេលចូលរួមជាសមាជិក រនាំងពន្ធគយផ្សេងៗនឹងត្រូវបានលើកលែងដែលវាអាចអនុញ្ញាតឲ្យមានការនាំចូលផលិតផលកសិកម្ម និងឳសថ ពីប្រទេសដែលជាសមាជិកផ្សេងទៀត ជាហេតុធ្វើឲ្យប៉ះពាល់ដល់ផលិតកម្មនៅក្នុងប្រទេស។
អត្ថបទទាក់ទង
យ៉ាងណាមិញ គណៈកម្មាធិការពិសេសរបស់ថៃ កំពុងមមាញឹកសិក្សា និងថ្លឹងថ្លែងពីផលល្អ និងអាក្រក់នៃកិច្ចព្រមព្រៀងនេះ ដោយប្រភពពីគណៈកម្មាធិការបានបង្ហើបថា ពួកគេត្រូវការពេលច្រើនដើម្បីសិក្សាបន្តដោយសារពួកគេបារម្ភថា ការចូលជាសមាជិក នឹងបង្កផលប៉ះពាល់ខ្លាំងដល់ក្រុមកសិករខ្នាតតូចរបស់ថៃ។
មន្ត្រីគណៈកម្មការពិសេសទទូចឲ្យរដ្ឋាភិបាល
បង្កើតច្បាប់ថ្មីដើម្បីការពារផលិតផលរបស់ក្រុមកសិករខ្នាតតូចជាមុនសិន
មុននឹងសម្រចចូលជាសមាជិកនៃកិច្ចព្រមព្រៀងខ្នាតអន្តរជាតិដ៏ធំមួយនេះ។
កាលពីថ្ងៃទី១ខែកុម្ភៈកន្លងទៅ ចក្រភពអង់គ្លេស ក៏នឹងដាក់សំណើសុំចូលជាសមាជិកនៃកិច្ចព្រមព្រៀង CP TPP នេះដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
