តម្រូវការសេវាកម្មបញ្ញើខ្នាតតូច កំពុងតែមានសកម្មភាពលូតលាស់នៅកម្ពុជា

អ្នកប្រកបអាជីវកម្មនៅក្នុងវិស័យបញ្ញើខ្នាតតូច កំពុងមើលឃើញពីការរីកចម្រើនទីផ្សារនៃសេវាកម្មដឹកជញ្ជូនទំនិញដែលកំពុងរីកលូតលាស់យ៉ាងលឿន ស្របពេលតម្រូវការនៃការដឹកជញ្ជូនឯកសារ ទំនិញផលិតផលផ្សេងៗ សម្លៀកបំពាក់ ម្ហូបអាហាររបស់ម្ចាស់ក្រុមហ៊ុន ក៏ដូចជាហាងលក់ទំនិញ កំពុងមានតម្រូវការការដឹកជញ្ជូនផលិតរបស់ខ្លូនឲ្យ​ដល់អតិថិជនគោលដៅផ្ទាល់ដល់ទីកន្លែង។

ដោយសារតែកំណើននៃតម្រូវការនៃសេវាកម្មបញ្ញើខ្នាតតូចនេះ ក្រុមហ៊ុនដឹកជញ្ជូន Kerry Express Cambodia បានពង្រីងដៃគូរសហការគ្នាJiffy របស់ក្រុមហ៊ុនប្រេងឥន្ទនៈរបស់ថៃ PTT ដើម្បីបម្រើសេវាក្នុងការទទួល និង បញ្ជូន ទំនិញបញ្ញើ នៅគ្រប់ហាង Jiffy នៅគ្រប់ស្ថានីយប្រេង ភីធីធី ក្នុងប្រទេសកម្ពុជា។ បច្ចុប្បន្នសេវាកម្មមួយនេះ បានដាក់ឲ្យដំណើរការនៅហាងJiffy convenience stores ចំនួនបីទីតាំង និងរំពឹងថា នឹងពង្រឹកឲ្យបាន៣០ទីតាំងបន្ថែមទៀត នៅឆ្នាំខាងមុខ។

អ្នកជំនួញ និងវិយោគិនដ៏ល្បីល្បាញផ្នែកឡូជីស្ទីកដឹកជញ្ជូន និងអចលនទ្រព្យ លោកឧកញ៉ា សៀ ឫទី្ធ ប្រធានក្រុមប្រឹក្សាភិបាល ក្រុមហ៊ុនវើលប្រ៊ីដ គ្រុប និងជាអគ្គនាយកក្រុមហ៊ុនដឹកជញ្ជូន Kerry Express Cambodia ផងដែរនោះ បានបញ្ជាក់ថា ដោយសារតែរបត់នៅក្នុងពិភពលោកមានសេវាកម្មបញ្ញើខ្នាតតូចនេះ មានការផ្លាស់ប្តូរ ដែលបានចាប់ផ្តើមផ្លាស់ប្តូទម្លាប់ពីការប្រើប្រាស់សេវាកម្មបញ្ញើតាមរយៈឡានតាក់ស៊ី ឫក៏ប្រៃសណីយ៍ដែលជាបញ្ញើនៅក្នុងស្រុក បានងាកមករកក្រុមហ៊ុនដែលផ្តល់សេវាបញ្ញើខ្នាតតូចដែលមានជំនាញ និងវិជ្ជាជីវៈត្រឹមត្រូវដែលអតិថិជនតាមដានពីដំណើរការនៃបញ្ញើរបស់ខ្លួនបាន។

រហូតមកដល់បច្ចុប្បន្ន អ្នកជំនាញក្នុងវិស័យនេះ ធ្លាប់បានអះអាងថា មានក្រុមហ៊ុនដែលផ្តល់សេវាកម្មដឹកជញ្ជូន ក៏ដូចជាបញ្ញើខ្នាតតូចមានក្នុងវង្វង់ប្រមាណ៤០ក្រុមហ៊ុន៕