ទីបំផុត សួនសត្វធំជាងគេបង្អស់នៅកម្ពុជា នឹងបើកដំណើរការសាកល្បង នៅថ្ងៃទី២៨ មេសានេះហើយ!
បន្ទាប់ពីមានការរង់ចាំយ៉ាងអន្ទះសារអស់រយៈពេលជាច្រើនខែមកហើយនោះ នៅទីបំផុត សួនសត្វធំជាងគេបំផុតនៅកម្ពុជា និងអាច…
សណ្ឋាគារដ៏ទំនើបនេះ បានចំណាយទឹកប្រាក់សាងសង់ប្រមាណ ៤០លានដុល្លារសហរដ្ឋអាមេរិកក្នុងដំណាក់កាលទី១ ហើយសាងសង់ជាលក្ខណៈវីឡាចំនួន ៦៧ខ្នង ស្មើ១៤៨បន្ទប់ ដែលរាល់វីឡានីមួយៗ មានអាងហែលទឹកមួយ។
បើតាមជំនួយការជំនិតរបស់អ្នកឧកញ៉ា គិត ម៉េង បង្ហើបឲ្យដឹងថា តម្លៃបន្ទប់ទាបបំផុត គឺ ៧០០ដុល្លារក្នុងមួយបន្ទប់ និងតម្លៃខ្ពស់បំផុតចន្លោះពី ១០០០ ទៅ ២០០០ដុល្លារអាមេរិក ក្នុងមួយបន្ទប់សម្រាប់ការស្នាក់នៅមួយយប់។
កោះរុង ស្ថិតនៅចម្ងាយ២៥គីឡូម៉ែត្រពីក្រុងកំពង់សោមខេត្តព្រះសីហនុ ដោយមានផ្ទៃដី៧៨គីឡូម៉ែត្រក្រឡា កម្ពស់១៣៣ម៉ែត្រពីនីវ៉ូទឹកសមុទ្រ និងមានប្រវែងជើងត្បូង១០គីឡូម៉ែត្រ។
កាលពីឆ្នាំ២០១២ ទស្សនាវដ្ដីអន្តរជាតិ Forbes បានចាត់ចំណាត់ថ្នាក់ កោះរុង ជាកោះល្អប្រណីតនៅអាស៊ី។ អ្នកឧកញ៉ា គិត ម៉េង ដោយបានទទួលសម្បទានពីរាជរដ្ឋាភិបាលកម្ពុជា បានចាប់ដៃគូជាមួយ វិនិយោគិនជនជាតិស្វីស ដើម្បីអភិវឌ្ឍន៍កោះរុងឲ្យក្លាយជាឋានសួគ៌នៅអាស៊ី និងសាងសង់សណ្ឋាគារប្រណីតនេះឡើង៕
