អាជ្ញាធរម៉ាឡេស៊ី កំពុងស៊ើបអង្កេតលើការលក់បង្ខូចថ្លៃចំពោះផលិតផលដែក ដែកថែប និងផ្លាស្ទិក ដែលនាំចូលពីចិន

ក្រសួងវិនិយោគ ពាណិជ្ជកម្ម និងឧស្សាហកម្មរបស់ម៉ាឡេស៊ី បានលើកឡើងថា នៅចន្លោះពេលពីឆ្នាំ២០១៥ ដល់ឆ្នាំ២០២៣ រដ្ឋាភិបាលម៉ាឡេស៊ី បានវិធានការប្រឆាំងការលក់បង្ខូចថ្លៃចំនួន៩ករណី លើទំនិញនាំចូលមកពីប្រទេសចិន។ ទន្ទឹមនឹងនេះ រដ្ឋាភិបាលម៉ាឡេស៊ី កាលពីពេលថ្មីៗ បានបើកការស៊ើបអង្កេតលើ៤ករណីបន្ថែមទៀត ពាក់ព័ន្ធនឹងការលក់បង្ខូចថ្លៃលើទំនិញនាំចូលពីចិនដូចជាដែក ដែកថែម និងប្លាស្ទិក។

គួរបញ្ជាក់ថា កាតព្វកិច្ចប្រឆាំងការលក់បង្ខូចថ្លៃ គឺជាវិធានការពាណិជ្ជកម្ម ដែលត្រូវបានប្រើដោយរដ្ឋាភិបាល ដើម្បីការពារឧស្សាហកម្មក្នុងស្រុកពីការប្រកួតប្រជែងដោយអយុត្តិធម៌ពីទំនិញនាំចូល ដែលត្រូវបានលក់ក្នុងតម្លៃទាបជាងទីផ្សារនៅក្នុងប្រទេសម៉ាឡេស៊ី។ ការលក់បង្ខូចថ្លៃ គឺជាការដាក់លក់ទំនិញអ្វីមួយទាបជាងតម្លៃទីផ្សារក្នុងស្រុក ឬទាបជាងតម្លៃដែលបានដាក់លក់នៅក្នុងប្រទេសនាំចេញ។

ក្រសួងវិនិយោគរបស់ម៉ាឡេស៊ី បានអះអាងថា ចំណាត់ការរបស់រដ្ឋាភិបាលនេះ គឺស្របតាមបទប្បញ្ញត្តិអន្តរជាតិ ក្រោមកិច្ចព្រមព្រៀងរបស់អង្គការពាណិជ្ជកម្មពិភពលោក៕

នាយករដ្ឋមន្ត្រីជប៉ុន កំពុងសម្លឹងមើលចងសម្ព័ន្ធជាមួយបក្សមានសំឡេងភាគតិចក្នុងសភា ដើម្បីបន្តដឹកនាំរដ្ឋាភិបាល ក្រោយគណបក្សប្រឆាំងដ៏ធំបដិសេធ

អត្ថបទ៖ សុខ មង្គល