សិង្ហបុរីចាប់ផ្ដើមកម្រើកឆ្លងកូវីដ-១៩ឡើងវិញ ប៉ុន្ដែរដ្ឋាភិបាលបន្តជំហរ «រស់នៅជាមួយកូវីដ-១៩»
គេនៅចាំបានថា កាលពី បីសប្តាហ៍មុន នាយករដ្ឋមន្ត្រីសិង្ហបុរី លោកលី សៀនឡុង បានចេញមកប្រកាសថា ប្រទេសរបស់លោកបានសម្រេចការចាក់វ៉ាក់សាំង បានគ្រប…
ម៉ាឡេស៊ីនឹងក្លាយជាប្រទេសមួយថែមទៀត ក្នុងចំណោមប្រទេសតំបន់អាស៊ានមួយចំនួន ដែលបាននិងកំពុងចាក់វ៉ាក់សាំងបង្ការកូវីដ១៩ដូសជំរុញដល់ពលរដ្ឋរបស់ខ្លួន ក្នុងនោះរួមមានកម្ពុជា និង សិង្ហបុរីជាដើម។ យុទ្ធនាការចាក់វ៉ាក់សាំងដូសទី៣ ឬ ដូសជំរុញរបស់ម៉ាឡេស៊ី ជាកិច្ចខិតខំប្រឹងប្រែង ដើម្បីបង្កើតប្រព័ន្ធភាពស៊ាំការពារ សម្រាប់ពលរដ្ឋដែលងាយរងគ្រោះពីជំងឺឆ្លងដ៏កាចសាហាវ កូវីដ១៩។
នាយករដ្ឋមន្ត្រីដែលទើបឡើងកាន់តំណែងក្តៅៗរបស់ម៉ាឡេស៊ី លោកអ៊ីស្មាអែល សាប្រ៊ីយ៉ាកុប បានប្រកាស ថា ម៉ាឡេស៊ីនឹងចាប់ផ្តើមចាក់វ៉ាក់សាំងដូសជំរុញនេះ ដរាបណាពលរដ្ឋពេញវ័យក្នុងចំនួនគោលដៅនៅទូទាំងប្រទេសប្រមាណ៨០% បានទទួលវ៉ាក់សាំងទាំងពីរដូសដំបូងជាមុនសិន។
ដូសជំរុញនឹងត្រូវផ្តល់អាទិភាពដំបូងសម្រាប់ក្រុមពលរដ្ឋ ដែលមានហានិភ័យឆ្លងខ្ពស់ ដូចជា បុគ្គលិកសុខាភិបាលជួរមុខ ពលរដ្ឋដែលមានជំងឺប្រចាំកាយ ហើយមានប្រព័ន្ធភាពស៊ាំខ្សោយ មនុស្សចាស់ដែលមានជំងឺរ៉ាំរ៉ៃ និងបុគ្គលដែលរស់នៅឬធ្វើការនៅក្នុងមណ្ឌលថែទាំអ្នកជំងឺទូទៅ។
ជុំវិញបញ្ហានេះដែរ រដ្ឋមន្ត្រីសុខាភិបាលម៉ាឡេស៊ី លោកខៃរី ចាម៉ាលូឌីន បានបង្ហើបឲ្យដឹងតាមរយៈសន្និសិទសារព័ត៌មានមួយកាលពីល្ងាចថ្ងៃអាទិត្យថា យុទ្ធនាការដូសជំរុញនឹងចាប់ផ្តើមអនុវត្ត យ៉ាងយូរត្រឹមចុងខែតុលាខាងមុខនេះ។
សូមជម្រាបថា គិតត្រឹមដើមសប្តាហ៍នេះ ម៉ាឡេស៊ីចាក់វ៉ាក់សាំងពីរដូស ដល់ពលរដ្ឋពេញវ័យរបស់ខ្លួនបានចំនួន ៧៨%ហើយ ខណៈអ្នកចាក់បានមួយដូសមានអត្រាដល់ ៩៣% នៃពលរដ្ឋគោលដៅ។
យ៉ាងណាមិញ ទោះអត្រាចាក់វ៉ាក់សាំង សម្រេចបានក្នុងចំនួនច្រើនគួរឲ្យកត់សម្គាល់យ៉ាងណាក៏ដោយ ប៉ុន្តែម៉ាឡេស៊ីនៅតែបន្តរកឃើញអ្នកឆ្លងកូវីដ១៩ថ្មីៗ ដល់ទៅជាង ១ម៉ឺននាក់ក្នុងមួយថ្ងៃដដែល។ ខណៈ ចំនួនអ្នកឆ្លងសរុបកើនដល់ជាង ២លាននាក់ឈរលំដាប់លេខ៣ក្នុងតារាង ប្រទេសមានអ្នកឆ្លងកូវីដ១៩ច្រើនបំផុតនៅអាស៊ាន បន្ទាប់ពីឥណ្ឌូនេស៊ី និងហ្វីលីពីន៕None
