មនុស្សជំនិតលោកពូទីនព្រមានប្រាប់អង្គការណាតូថា សង្គ្រាមនុយក្លេអ៊ែរនឹងផ្ទុះឡើងប្រសិនបើរុស្ស៊ីចាញ់អ៊ុយក្រែន
ក្រោយបាត់មុខមួយរយៈ ដៃស្តាំរបស់ប្រធានាធិបតីរុស្ស៊ីលោក ពូទីន គឺលោក Dmitry Medvedev បានចេញមុខព្រមានអង្គការណាតូថា បរាជ័យរបស់រុស្ស៊ីនៅអ៊…
បាតុកម្មកាលពីថ្ងៃព្រហស្បតិ៍ ទី១៩ ខែមករា នៅទូទាំងប្រទេសបារាំង ត្រូវបានក្រសួងមហាផ្ទៃប៉ាន់ស្មានថា មានមនុស្សជាង១លាន២សែននាក់ចូលរួម ក្នុងនោះមានជាង៨ម៉ឺននាក់នៅទីក្រុងបារីស ដែលសុទ្ធសឹងជាអ្នកប្រឆាំងដាច់ណាត់ នឹងគម្រោងធ្វើកំណែទម្រង់ច្បាប់ចូលនិវត្តន៍ របស់រដ្ឋាភិបាលប្រធានាធិបតីម៉ាក្រុង។
សហជីពនៃក្រុមឆ្វេងនិយម CGT នៅបារាំងនិយាយថា តាមពិតទៅចំនួនបាតុករដែលក្រសួងរបស់បារាំងអះអាង គឺមិនត្រឹមត្រូវទេ។ បើតាមសហជីពដដែល មហាបាតុកម្មបានចូលរួមដោយមនុស្សសរុបច្រើនជាង២លាននាក់ នៅទូទាំងប្រទេស និងមានប្រមាណ ៤០ម៉ឺននាក់នៅទីក្រុងបារីស។ សហជីពមួយនេះ ឱ្យដឹងដែរថា ពួកគេគ្រោងនឹងរៀបចំមហាបាតុកម្មបែបនេះម្តងទៀត នៅថ្ងៃទី៣១ខែមករា។
បើតាមការចុះផ្សាយរបស់ AFP បាតុករជ្រុលនិយមមួយចំនួន បានគប់ដប ធុងសំរាម និងគ្រាប់បែកផ្សែងដាក់ប៉ូលិស ខណៈត្រូវបានឆ្លើយតបវិញដោយការបាញ់ឧស្ម័នបង្ហូរទឹកភ្នែក បំបែកក្រុមបាតុករ។ ទោះយ៉ាងណា មិនមានការប៉ះទង្គិចធ្ងន់ធ្ងរដល់ការបង្ករបួសស្នាមលើគ្នាទៅវិញទៅមកនោះទេ។ បើតាមប៉ូលិសបង្ក្រាបបាតុកម្ម គិតត្រឹមល្ងាចថ្ងៃទី ១៩ ខែមករា បាតុករ៣៨នាក់ត្រូវបានឃាត់ខ្លួន។
សូមជម្រាបថា ផែនការកំណែទម្រង់អាយុចូលនិវត្តន៍ដែលប្រធានាធិបតីម៉ាក្រុងលើកឡើងកាលពីសប្តាហ៍មុន ទទួលបានការមិនពេញចិត្តជាច្រើនពីកម្មករ និយោជិតនៅបារាំង។ ប្រព័ន្ធចូលនិវត្តន៍បារាំងបច្ចុប្បន្ននេះ គឺបុគ្គលិកត្រូវធ្វើការរហូតដល់អាយុ៦២ឆ្នាំ ទើបអាចទទួលបាន នូវប្រាក់ចូលនិវត្តន៍ប្រចាំខែ ពេញលេញគ្រប់ចំនួន។
ដោយឡែក សម្រាប់គម្រោងថ្មីរបស់រដ្ឋាភិបាលបារាំងនាពេលនេះ គឺចង់ដំឡើងអាយុចូលនិវត្តន៍ដល់៦៤ឆ្នាំជាទូទៅ ចាប់ពីឆ្នាំ២០៣០តទៅ ក្នុងន័យនេះបុគ្គលិកត្រូវធ្វើការថែម២ឆ្នាំទៀត ទើបអាចទទួលបានប្រាក់ចូលនិវត្តន៍។ ប្រការនេះ បានធ្វើឲ្យពលរដ្ឋជាច្រើនមានការមិនពេញចិត្ត នឹងបានចេញតវ៉ាយ៉ាងខ្លាំងក្លាប្រឆាំនឹងរដ្ឋាភិបាល៕
