សម្ដេច ហ៊ុន សែន បានចាត់ទុកចលនាគាំទ្រយ៉ាងធំធេង តាមផ្លូវចិត្ត និងទាំងតាមការផ្ដល់ថវិកាសម្រាប់ការទិញវ៉ាក់សាំងនេះថា គឺជា »ខឿនការពារសុខភាពរបស់ប្រជាជន» បន្ទាប់ពីខឿនការពារជាតិរបស់ប្រជាជននាឆ្នាំ២០០៨ ដល់ឆ្នាំ២០១១។
បើតាមសម្តេច ហ៊ុន សែន សម្រាប់អ្នកដែលចង់បរិច្ចាគចូលរួមផ្ដល់ថវិកាសម្រាប់ការទិញវ៉ាក់សាំងកូវីដ-១៩ នេះ អាចទាក់ទងតាមរយ៖
១,.លោក សេង ទៀង រដ្ឋលេខាធិការទីស្តីការគណរដ្ឋមន្ត្រីដែលមានលេខទូរស័ព្វ 012 961971ប្រចាំការទទួលនៅទីស្តីការគណៈរដ្ឋមន្ត្រី។
២. ធានាគារ ABA លេខគណនេយ្យ (001249176) Tep Sothy ។
អត្ថបទទាក់ទង!
សម្តេច ហ៊ុន សែនបានបញ្ជាក់តាមរយៈសារសំឡេងដែរថា ចំពោះវ៉ាក់សាំង ជំហានដំបូងដែលនឹងទិញ១លានដូសនោះ នឹងអាចចាក់សម្រាប់មនុស្សចំនួន ៥០ម៉ឺននាក់ ខណៈដែលប្រជាជនកម្ពុជាដែលត្រូវការវ៉ាក់សាំងនេះ គឺមានប្រមាណ ១០លាននាក់។ សម្តេច បន្ថែមថា នៅជំហានដំបូង វ៉ាក់សាំងនេះ អាចនឹងចាក់ជូនសម្រាប់ក្រុមគ្រូពេទ្យ ដែលជាអ្នកប្រឈមនឹងហានិភ័យខ្ពស់ និងជាអ្នកជូរមុខក្នុងការសង្គ្រោះពលរដ្ឋ បន្ទាប់មក គឺគ្រូបង្រៀន ដែលមានប្រមាណ ១២ម៉ឺននាក់ រួចហើយអាចបន្តចាក់ជូនសម្រាប់កងកម្លាំងប្រដាប់អាវុធ និងមន្ត្រីយុត្តិធម៌ ព្រៃឈើ និងបរិស្ថាន៕
None
