ថ្លែងនៅក្នុងនៅក្នុងកិច្ចប្រជុំតាមប្រព័ន្ធអនឡាញ រវាងធនាគារជាតិនៃកម្ពុជា និងក្រុមបេសកកម្មពិគ្រោះយោបល់មាត្រា ៤ របស់មូលនិធិរូបិយវត្ថុអន្តរជាតិ (IMF)កាលពីថ្ងៃទី១៣ កញ្ញា ឆ្នាំ ២០២១ ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា បានលើកឡើងពីស្ថានភាពសេដ្ឋកិច្ចកម្ពុជា ជាពិសេសវិធានការរបស់រាជរដ្ឋាភិបាល ក្នុងការគ្រប់គ្រងការឆ្លងរាលដាលនៃជំងឺកូវីដ-១៩ និងវិធានការគាំទ្រសង្គមនិងសុខាភិបាល ដែលត្រូវបានអនុវត្តយ៉ាងម៉ឺងម៉ាត់ និងប្រកបដោយប្រសិទ្ធភាព។
អគ្គទេសាភិបាលធនាគារជាតិនៃកម្ពុជា បានគូសបញ្ជាក់ពីការគ្រប់គ្រងសម្ពាធអតិផរណា របស់កម្ពុជាថា បានរក្សាក្នុងកម្រិតទាបជាង ៣% ជាមួយស្ថិរភាពអត្រាប្តូរប្រាក់ ក្នុងកម្រិតប្រែប្រួលទាបជាង ២%ប៉ុណ្ណោះ។
អត្ថបទទាក់ទង
ជាមួយគ្នានេះ កម្ពុជាបានរក្សាកម្រិតខ្ពស់គ្រប់គ្រាន់នៃទុនបម្រុងអន្តរជាតិ ដែលអាចធានាការនាំចេញទំនិញ និងសេវាប្រមាណ១០ ខែ ស្របពេលដែល ប្រព័ន្ធធនាគារក៏បានរក្សាភាពធន់ និងបានរក្សារួមចំណែកក្នុងការគាំទ្រសកម្មភាពសេដ្ឋកិច្ច ជាពិសេសបានជួយដល់វិស័យដែលទទួលរងផលប៉ះពាល់និងប្រជាជនងាយរងគ្រោះផងដែរ។
គួរបញ្ជាក់ផងដែរថា បេសកកម្មពិគ្រោះយោបល់មាត្រា៤ ជាបេសកកម្មរបស់ IMF ដែលត្រូវបានធ្វើឡើងជាប្រចាំឆ្នាំ នៅគ្រប់បណ្តាប្រទេសជាសមាជិក ក្នុងគោលបំណងតាមដានស្ថានភាពម៉ាក្រូសេដ្ឋកិច្ចនិងហិរញ្ញវត្ថុ និងលើកជាអនុសាសន៍គោលនយោបាយសម្រាប់អនុវត្តសំដៅគាំទ្រការអភិវឌ្ឍសេដ្ឋកិច្ច៕
None
