វិស័យទេសចរណ៍

តើការកើនឡើងចំនួនពលរដ្ឋខ្មែរចេញធ្វើដំណើរកម្សាន្តនៅក្រៅប្រទេស បានឆ្លុះបញ្ចាំងពីភាពរីកចម្រើននៃសេដ្ឋកិច្ចឬយ៉ាងណា?


ប្រជាជនកម្ពុជា ជាង១លាន៨សែននាក់ បានធ្វើដំណើរចេញទៅកម្សាន្តនៅក្រៅប្រទេសនៅឆ្នាំមុន មានការកើនឡើង១,៤% បើធៀបនឹងឆ្នាំ២០២៣ ហើយការកើនឡើងនេះ អាចជំរុញដោយសារការលក់កញ្ចប់ទេសចរណ៍របស់បណ្តាប្រទេសមួយចំនួនមានតម្លៃសមរម្យ។ អ្នកជំនាញក្នុងវិស័យទេសចរណ៍ និងសេដ្ឋកិច្ចយល់ឃើញថា កំណើនពលរដ្ឋធ្វើដំណើរកម្សាន្តក្រៅស្រុកនេះ វាអាចផ្តល់ទាំងគុណវិបត្តិ និងគុណសម្បត្តិសម្រាប់សេដ្ឋកិច្ចកម្ពុជា។
វិស័យទេសចរណ៍
ដោយ

លោកបណ្ឌិត ហុង វណ្ណៈ អ្នកសិក្សាស្រាវជ្រាវសេដ្ឋកិច្ច នៃ​រាជបណ្ឌិត្យសភាកម្ពុជា កត់សម្គាល់ឃើញថា ចំនួនភ្ញៀវទេសចរក្នុងស្រុកចេញទៅកម្សាន្តនៅក្រៅប្រទេសមានការប្រែប្រួលពីមួយឆ្នាំទៅមួយឆ្នាំ វាអាស្រ័យលើតម្រូវការ និងស្ថានភាពសេដ្ឋកិច្ចរបស់ពួកគេ។ បើតាមការយល់ឃើញរបស់អ្នកជំនាញរូបនេះ កំណើនចំនួនពលរដ្ឋកម្ពុជាចេញទៅកម្សាន្តនៅក្រៅប្រទេសកាលពីឆ្នាំមុន អាចដោយសារភាពល្អប្រសើរនៃការប្រកបអាជីវកម្ម និងសេដ្ឋកិច្ចរបស់ពួកគេ។ អ្នកជំនាញរូបនេះកត់សម្គាល់ឃើញថា ការធ្វើដំណើររបស់ពលរដ្ឋកម្ពុជា ទៅក្រៅប្រទេសអាចធ្វើឡើងក្រោមរូបភាពទៅបំពេញការសិក្សា ព្យាបាលសុខភាព ធ្វើដំណើរកម្សាន្ត និងទៅជួបជុំសាច់ញាតិជាដើម។

​ជាមួយគ្នានេះប្រធានសមាគមទេចរណ៍អាស៊ីប៉ាស៊ីហ្វិកប្រចាំនៅកម្ពុជា លោក ធួន ស៊ីណាន យល់ឃើញថា កំណើនពលរដ្ឋកម្ពុជាធ្វើដំណើរចេញទៅខាងក្រៅនេះមានទាំងគុណវិបត្តិ និងគុណសម្បត្តិ។ ត្រង់ចំណុចនេះលោកបានបញ្ជាក់ថា គុណសម្បត្តិគឺពលរដ្ឋអាចសិក្សាពីរបៀបរបបរស់នៅ និងការប្រកបមុខរបររបស់ពលរដ្ឋនៅតាមបណ្តាប្រទេសទាំងនោះ សម្រាប់យកមកធ្វើជាបទពិសោធន៍ ក៏ដូចជាអភិវឌ្ឍន៍អាជីវកម្មរបស់ពួកគេ។ ចំណែកគុណវិបត្តិ គឺកម្ពុជា បានខាតបង់ផែ្នកសេដ្ឋកិច្ច តាមរយៈពលរដ្ឋយកលុយចេញពីប្រទេសកម្ពុជា ទៅចាក់បញ្ចូលក្នុងសេដ្ឋកិច្ចរបស់បណ្តាប្រទេសទាំងនោះ។ យ៉ាងណាមិញអ្នកជំនាញរូបនេះលើកទឹកចិត្តដល់ប្រជាជនកម្ពុជា ជួយចំណាយថវិកានៅក្នុងស្រុកជាជាងយកទៅចំណាយនៅក្រៅស្រុក ស្របពេលដែលសេដ្ឋកិច្ចកម្ពុជា មិនទាន់មានភាពល្អប្រសើរនៅឡើយទេ។

​បើយោងតាមរបាយការណ៍របស់ក្រសួងទេសចរណ៍ នៅពេញមួយឆ្នាំ២០២៤ កន្លងទៅ មានពលរដ្ឋកម្ពុជា ជាង១លាន៨សែននាក់ បានធ្វើដំណើរចេញទៅក្រៅប្រទេស មានការកើនឡើង១,៤% បើធៀបនឹងឆ្នាំ២០២៣។ ហើយនៅក្នុងរយៈពេលដូចគ្នានេះ កម្ពុជា ទទួលបានភ្ញៀវទេសចរអន្តរជាតិ ជាង៦លាន៧សែននាក់ មានការកើនឡើងជិត២៣% បើធៀបនឹងឆ្នាំ២០២៣ និងកើនឡើង១,៤% បើធៀបនឹងឆ្នាំ២០១៩ ជាពេលដែលមិនទាន់ផ្ទុះវិបត្តកូវីដ-១៩។ តាមរយៈភ្ញៀវទេសចរបរទេសនេះ កម្ពុជា អាចរកចំណូលបានជាង៣ពាន់៦៣០លានដុល្លារអាម៉េរិក៕

អត្ថបទដោយ៖ ជា ម៉ារ៉ា




អត្ថបទបន្ទាប់


តើទីផ្សារលំនៅឋាននៅកម្ពុជា អាចមានភាពល្អប្រសើរ ឬយ៉ាប់យ៉ឺនយ៉ាងណានៅឆ្នាំ២០២៥?

ទីផ្សារលំនៅឋានប្រភេទបុរី ដែលមានការពេញនិយម និងរីកចម្រើនខ្លាំងនៅប៉ុន្មានឆ្នាំមុនការផ្ទុះការឆ្លងរីករាលដាលនៃជំងឺកូវីដ-១៩ បានបង្ហាញពីទំនោរ…

តើមានកត្តាចម្បងអ្វីជំរុញឱ្យមានការដឹកជញ្ជូនមាសចេញពីប្រទេសអង់គ្លេសទៅកាន់សហរដ្ឋអាម៉េរិកយ៉ាងគំហុក?

ការសម្រេចរក្សាទុកអត្រាការប្រាក់ឱ្យនៅដដែលដោយគ្មានការផ្លាស់ប្ដូររបស់ធនាគារកណ្តាលអាម៉េរិក និងការប្រកាសដំឡើងពន្ធគយដ៏ចម្រូងចម្រាសដោយប្រធានាធិបត…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ