តាមសារព័ត៌មានចិន ដដែលនេះ បានបញ្ជាក់ថា វត្តមានរបស់ព្រលានយន្ដហោះអន្តរជាតិថ្មីនេះ នឹងមានការតភ្ជាប់កាន់តែច្រើនឡើង នូវតំបន់ភាគខាងត្បូងឈៀងខាងលិចនៃកំពង់ផែក្នុងទីក្រុង Gwadar ទៅកាន់ពិភពលោក។ ក្រោមប្រាក់ជំនួយ ពីរដ្ឋាភិបាលចិន ២៣០ លានដុល្លារ ព្រលានយន្ដហោះថ្មីនេះ នឹងត្រូវសាងសង់រួចរាល់ក្នុងរយៈពេល៣ឆ្នាំ។
គ្របដណ្ដប់លើផ្ទៃ ១៨ គីឡូម៉ែការ៉េ ព្រលានយន្ដហោះទីក្រុង Gwadar ថ្មីនេះ នឹងត្រូវសាងសង់ឡើងដោយក្រុមហ៊ុនសាងសង់ព្រលានយន្ដហោះរបស់ចិន។
នាយករដ្ឋមន្ត្រី ប៉ាគីស្ថាន លោក Imran Khan បានលើកឡើងថា លោកក៏កំពុងស្វែងរកកិច្ចសហប្រតិបត្តិការជាមួយរដ្ឋាភិបាលចិន ទាក់ទងនឹងគម្រោងផ្លូវរថភ្លើង និងវិស័យកសិកម្ម និងនេសាទផងដែរ។
អត្ថបទទាក់ទង!
មន្ត្រីរដ្ឋាភិបាលចិនអះអាងថា ក្នុងក្របខណ្ឌគម្រោងច្រករបៀងសេដ្ឋកិច្ច ចិន ប៉ាគីស្ថាន ជាមួយនឹងគម្រោងខ្សែក្រវាត់មួយ ផ្លូវមួយ បានធ្វើឲ្យមិត្តភាពយូរអង្វែង និងកិច្ចសហប្រតិបត្តិការរវាងប្រទេសទាំងពីរ បានចូលមកដល់ទម្រង់ថ្មីមួយ។
តាមមន្ត្រីជាន់ខ្ពស់ចិន ភាគីចិន និងប៉ាគីស្ថាន ក៏បានសម្រេចចិត្តពង្រីកកិច្ចសហប្រតិបត្តិការសេដ្ឋកិច្ចដំណាក់កាលថ្មី បន្ថែមទៀត ក្នុងក្របខណ្ឌគម្រោងច្រករបៀងសេដ្ឋកិច្ចចិន ប៉ាគីស្ថាននេះ ជាមួយនឹងការសហការកាន់តែជិតស្និទ ក្នុងវិស័យឧស្សាហូបនីយកម្ម និងសង្គម តាមរយៈការបង្កើតគម្រោងថ្មីៗបន្ថែមទៀត។
យ៉ាងណាមិញ គម្រោង ព្រលានយន្តហោះថ្មីនេះគ្រាន់តែជាការចាប់ផ្តើមដំណាក់កាលថ្មី នៃកិច្ចសហប្រតិបត្តិការប៉ុណ្ណោះ ហើយគម្រោងជាច្រើនទៀតនឹងមកដល់ឆាប់ៗនេះ។
គួរបញ្ជាក់ដែរថា ប៉ាគីស្ថាន គឺជាប្រទេសមួយ ដែលបានខ្ចីលុយពីប្រទេសចិន ច្រើនជាងគេ ពីគម្រោងខ្សែក្រវាត់១ និងផ្លូវ១ របស់ចិន ខណៈដែលមកទល់ពេលនេះ ប្រទេសចិន បានផ្ដល់កម្ចីដល់ប៉ាគីស្ថានរហូតដល់ ជាង ៦០ ពាន់លានដុល្លារអាមេរិក។
បើតាមការស្រាវជ្រាវរបស់វិទ្យាស្ថានក្រុមប្រឹក្សាទំនាក់ទំនងអន្តរជាតិ (CFR) បានឲ្យដឹងថា ប៉ាគីស្ថាន បានខ្ចីលុយពីរដ្ឋាភិបាលចិណ រហូតដល់ ៦៨ ពាន់លានដុល្លារអាមេរិក ខណៈដែលចិនបានបញ្ចេញលុយលើគម្រោងដ៏ពោរពេញដោយមហិច្ឆតារបសខ្លួននេះ អស់២០០ ពាន់លានដុល្លារអាមេរិកហើយ ទៅឲ្យប្រទេសប្រមាណជាង ៦០។
អត្ថបទគួរឲ្យចាប់អារម្មណ៍!
ធនាគារវិនិយោគអាមេរិក Morgan Stanley បានព្យាករថា នៅឆ្នាំ២០២៧ ចិននឹងចំណាយលើគម្រោងផ្លូវមួយ ខ្សែក្រវាត់មួយនេះ រហូតដល់ ១,២ ទៅ១,៣ ទ្រីលានដុល្លារអាមេរិក។
តាមការស្រាវជ្រាវខាងលើឲ្យដឹងថា បំណុលដំបូង ដែលប៉ាគីស្ថាន ត្រូវទូទាត់សងចិនវិញ នឹងត្រូវចាប់ផ្ដើមសងនៅឆ្នាំនេះហើយ ដែលត្រូវសង់ចាប់ផ្ដើមពី ៣០០ លានដុល្លារអាមេរិក ទៅដល់ឆ្នាំ២០២៦ គិតទៅកើនដល់ ៣,២ពាន់លាន។
នៅឆ្នាំ ២០១៥ ប៉ាគីស្ថាន បានខ្ចីលុយចិន ក្រោមគម្រោង ខ្សែក្រវាត់១ ផ្លូវ១ លើដំបូង ក្នុងទំហំទឹកប្រាក់ ៦ពាន់លាន ដើម្បីទិញកប៉ាល់មុជទឹក៨គ្រឿង ពីចិន ដើម្បីបំពេញ មហិច្ឆតាយោធារបស់ខ្លួន។
អត្ថបទគួរឲ្យចាប់អារម្មណ៍!
គួរដឹងថា ទំហំ GDP របស់ប៉ាគីស្ថាន មានជាង ២៧៧ ពាន់លានដុល្លារអាមេរិក និងមានកំណើន៥,២% ខណៈដែល GDP per capita មាន ជាង ១.៦០០ ដុល្លារអាមេរិក នៅឆ្នាំ២០១៨។
គួរបញ្ជាក់ថា គម្រោងខ្សែក្រវ៉ាត់មួយផ្លូវមួយនេះ គឺស្ថិតនៅក្នុងគម្រោង ផ្លូវសូត្រ ដែលពោរពេញដោយមហិច្ឆតា របស់មហាអំណាចចិន ដែលបានប្រកាសបើកដំណើរការឡើងកាលពីឆ្នាំ ២០១៣ ហើយគម្រោងនេះ ជាផែនការមេ របស់ប្រទេសចិនសម្រាប់ផ្តល់ហិរញ្ញប្បទានដល់ប្រទេសនៅតំបន់អាស៊ីនិងអឺរ៉ុប ហើយចិនខ្លួនឯងនឹងទទួលបានឥទ្ធិពលវិញពីតំបន់ទាំងនោះ៕
None
