តើ Payband មានមុខងារប្រើប្រាស់អ្វីខ្លះ? Payband គឺជាឧបករណ៍បច្ចេកវិទ្យាទំនើបមួយ ដែលអាចពាក់ជាប់នៅដៃ ស្រដៀងនឹងនាឡិកាដែរ ជាមួយនឹងពណ៌ដ៏ស្រស់ឆើតឆាយជាច្រើនពណ៌ ដែលអាចជ្រើសរើសបានតាមចំណង់ចំណូលចិត្ត។ តាមរយៈ PayBand លោកអ្នកប្រើប្រាស់ជាមួយនឹងម៉ាស៊ីនឆូតកាតអេស៊ីលីដា សម្រាប់ទូទាត់ថ្លៃទំនិញ ឬសេវាកម្ម និងដកប្រាក់តាមរយៈម៉ាស៊ីនឆូតកាតរបស់អេស៊ីលីដាជាដើម។
ជាមួយគ្នានេះ PayBand មានមុខងារប្រើប្រាស់ជាមួយម៉ាស៊ីន អេធីអឹមរបស់ធនាគារអេស៊ីលីដាក៏បាន ដូចជាការពិនិត្យមើលសមតុល្យសាច់ប្រាក់ ពិនិត្យរបាយការណ៍គណនីយសង្ខេប បង្កើតបណ្ណនិម្មិត ដក-ដាក់ប្រាក់ បញ្ចូលប្រាក់ទូរស័ព្ទ ផ្ទប្រាក់រវាងគណនីម្ចាស់តែមួយ ឬគណនីភ្ជាប់ក្នុងបណ្ណឥណពន្ធតែមួយ ផ្ទេរប្រាក់រវាងគណនីម្ចាស់ផ្សេងគ្នា ទូទាត់បណ្ណឥណទាន និងប្រតិបត្តិការផ្សេងៗទៀត៕
